Tempo-2-min

香港嘅 tempo 能否交代一下製造地點?

今日有唔少人討論,日本人竟然喺香港掃 tempo 返去做手信,住過吓日本都可以理解,因為日本啲紙巾十分之削,又薄又易溶, tempo 喺亞洲市場嚟講,佢唔係第一都唔知邊個係第一,所以日本人見到 tempo 驚為天人,可以理解。

香港 tempo 係唔係中國包裝?

喺香港,我用 tempo 紙巾,喺德國都係,因為 tempo 係德國牌子,只不過,香港版嘅 tempo 無產地來源印住呢樣嘢,係堅令人不安,因為香港 tempo 被瑞典SCA劃入由維達管,大家都知維達係SCA嘅衛生紙部門(今日己經分拆成Essity)擁有,但香港註冊,管理由中國人為主嘅公司,你話我點可能對 tempo 香港嘅產地來源有所懷疑。

我喺德國買到嘅 tempo ,無論盒裝紙巾,定係包裝紙手巾,都係寫住 Made in the EU,一如下圖所示。

Tempo-2-min
Tempo-2-min
Tempo-1-min
Tempo-1-min

如果係 Made in the EU,香港人都可以認為係「貴得有道理」,但如果係紙嚟自EU,但包裝嚟自中國,香港人正常有所保留,其實都係正常。因為香港人,基本上係唔信任中國人嘅管理,三聚氰胺奶粉搞到一鑊泡,大家仲會信強國,仲要紙巾呢啲用得喺身上嘅嘢喎。

另外,喺德國,唔會有 tempo 廁紙賣, 喺德國,廁紙一係zewa,一係tork(如果你喺Staples.de大掃貨就係買到tork多啲,因為佢商業用平好多,當然,一般係自己開公司嘅人至咁買喇),呢個亦係因為zewa喺香港根本係一個無人知嘅brand,但係 Tempo 真係太深入民心,所以依家已經分拆出SCA嘅Essity用呢個策略,亦都好正常合理嘅。

同埋,德國甚少買到有香味嘅紙巾,所以香港咁鬼多唔同 Tempo 香味選擇,基本上係為香港市場搞出嚟,德國,你喺大超市定大藥妝店(嚴格嚟講係無藥賣,但類似萬寧或者屈臣氏嘅物體,德國其中一個大藥妝店Rossmann係李氏力場名下),都唔會買到有香味嘅 tempo ,同埋啲盒裝紙巾斷盒賣,唔會一次過掃四五盒嘅掃。

我既然人喺德國,都係應該講番 tempo 嘅德港之別。但都係果句,最好標番產地來源。

One thought on “香港嘅 tempo 能否交代一下製造地點?

  1. 世澤兄:

    呢個世界, 以至呢個宇宙, 得一個地方, 係人離鄉賤同時又物離鄉賤嘅, 奇怪 🙂
    更奇怪嘅係 ……
    呢個世界, 以至呢個宇宙, 同一個地方, 係人在鄉賤同時又物在鄉賤嘅 😀
    不論人與物, 來源皆恥為人知, 因為 ……
    一字記之曰 …… (!)

發表迴響

你的電子郵件位址並不會被公開。 必要欄位標記為 *