MP5-min

香港差佬仲買到 MP5 機槍就奇

香港啲黑警,一直以嚟2014年放亂催淚彈唔駛俾代價,我諗佢地知道 MP5 機槍嘅生產商,德國Heckler & Koch已經明顯唔再賣槍俾一啲非民主政體,包括馬來西亞,生意集中喺北約成員國或同等民主國家後,我諗香港差佬,包括PTU等,如果無 MP5 執勤可以攞乜武器,都幾頭痕。

你敢用 AK-47 代 MP5 ?

Heckler & Koch 開始唔賣武器俾啲獨裁國家嘅做法,一方面以往有啲醜聞,喺德國被人鬧爆,另一方面,歐盟國家,特別係德國,好多企業已經對果啲獨裁國家避之則吉,好似點解香港差佬點解無啦啦改為揸歐霸(IVECO),有「想放假,揸歐霸」惡名嘅歐霸,因為德國好多車廠,根本唔想同香港警察拉上任何關係,歐盟國家普遍都係。如果遲吓歐盟再收緊啲政策,恐怕香港警察剩番啲東風可以揸,屆時我真係留名食花生,揸架咁嘅車可以點追賊。大家都知,以往平治Sprinter係表現好好,作為警車,Sprinter嘅可靠度係無話可說嘅。

依家 Heckler & Koch 唔賣 MP5 俾香港警察,香港警察以為有取代品,咁我唔係咁樂觀,Sig Sauer係德國公司嚟,相信Sig Sauer都會唔賣槍俾香港,Glock都未必可以再賣俾香港好耐,因為佢係奧地利公司。好啦,跟住香港警察用果啲武器,都係美國公司嘅,一旦《美國-香港關係法》一改,你覺得美國會再賣警察用槍械俾你香港?屆時,香港警察好大機會係無晒西方國家武器同車輛可以使用,全面改用中國製或俄製產品,我諗係遲早問題。

如果香港警察夠膽用俄製武器,啲訓練同彈藥點搞本身已經係問題,但最大鑊,一定係使用中國製武器,有俄製或蘇製武器果種唔穩陣,但中國製果啲山寨貨,喺品質同設計問題上,仲衰過俄國原裝版,你日日揸住呢啲武器,一係真係要郁手果陣,根本發射唔到,一係突然失驚無神走火,走咗火去邊度,就完全係你嘅運氣決定。我留名食花生,香港警察擦中國鞋擦得咁過癮,一旦由武器到車輛全面中國化果陣,呢班友返工果陣仲笑唔笑得出。

2 thoughts on “香港差佬仲買到 MP5 機槍就奇

發表迴響

你的電子郵件位址並不會被公開。 必要欄位標記為 *