張仁良-五月風暴-min

張仁良 :你應該慶幸唔喺法國做大學校長

張仁良 喺處理教育大學針對蔡若蓮黨委書記嘅標語事件,簡直進退失據。 張仁良 老婆係法籍,而佢自己都係巴黎第六大學畢業,我諗 張仁良 應該知道乜嘢叫法國式示威,如果你閣下咁樣出賣學生俾權貴,喺法國,你應該知道你自己下場會係點。

張仁良 簡直背棄歐陸傳統

我成日都講,歐洲人示威係真激進,認真咁激進,喺法國你試吓學生寫大字報,咁樣賣屎忽俾當局,我相信法國大學生一早包圍校長室,成棚人對住警察同學生警衛放汽油彈。1968年法國大學生玩出五月風暴 (Mai 68),果陣戴高樂將軍拉晒啲示威學生,記住,法國大學生係堅會燒車,關閉巴黎大學,咁又點,結果係示威蔓延全國,然後戴高樂係咁call救兵都唔掂,當時總理要放軟手段,宣布赦免學生,你估點似香港班仆街咁無恥,直至左膠接管運動,戴高樂乘勢反擊搞一百萬人反示威,六月大選至了解,但戴高樂最終都捱唔過1969年嘅公民投票,自己都係要落台。

所以香港啲當權者,應該明白所謂港獨,或者好憎蔡若蓮嘅人,其實都係好溫和一班人,依家呢班當權者,係敬酒唔飲飲罰酒,如果咁都係又拉又殺,咁係唔係要俾啲1968年五月法國式示威俾你嘆。依家香港班死老坑,唔好話乜嘢好暴力, Mai 68 係成棚法國左翼學生受毛澤東嘅影響搞出嚟嘅屎嚟,係囉,你們最鍾意最崇拜嘅中共領袖呀,仆街。

講嚟講去,其實香港依家所謂本土派,以歐洲標準嚟講,仍然係十分之溫和,因為歐洲嘅示威,好多時都會蒙面同埋玩到汽油彈,甚至市郊會有人操練羅馬式方陣,你估香港成班游兵散勇同你班傻嘅差佬玩膠?魚蛋革命香港人玩到掟磚,我已經覺得呢個係純粹香港式街頭智慧。對於老一輩嘅人,如果你仲堅持中國人果一套,包括無理打壓,抹黑,年青人最終同你班老坑玩鋪勁係正常。一如依家張仁良個仔喺德國嘅公司都暴露埋出嚟,如果張仁良投共意向明顯,有人報去憲法保衛局(Bundesamt für Verfassungsschutz),要求聯邦政府監視呢啲人,係一啲都唔係好玩嘅事。

當然,我對依家啲港獨陣營中人,都係咁講,得閒操吓體能同戰術,同埋觀摩吓歐洲人同南韓人係點做。

發表迴響

你的電子郵件位址並不會被公開。 必要欄位標記為 *