林兆彬-min

林兆彬 唔熟台灣傳媒生態就咪亂評

雖然我喺台灣自由時報寫嘢,但我好少主動喺呢度評台灣政治,始終呢度用香港語文,台灣人未必睇得明。只不過, 林兆彬 喺facebook膠到,攞東森電視嘅新聞,嚟抨擊教育大學學生慶祝蔡若蓮個仔跳樓死咗嘅大字報,呢啲無知做法,我覺得呢啲左膠係要攞出嚟丙。

林兆彬 有無研究過台灣傳媒生態

林兆彬-min
林兆彬-min

台灣傳媒同香港最唔同係,香港啲傳媒係親共扮中立,但台灣就擺明車馬投共,而電視台方面,蔡衍明旺旺中時控制嘅中天、依家全資由王雪紅掌控嘅台灣TVB-S以及表面係美資凱雷集團,但爭啲賣咗俾共資DMG嘅東森都係呢類,所以要喺台灣,睇番相對中立嘅新聞,唯一考慮幾乎就係香港資本嘅台灣蘋果日報,如果報章,基本上,台灣人唔係睇蘋果,就係睇自由時報,中國時報同旺報係左到文匯大公級數,聯合報都唔好太多,但聯合報有時都仲會講番一兩句人話。

所以 林兆彬 呢啲左膠想抽教育大學學生水果陣,唔該睇清楚你究竟睇緊乜媒體,因為唔同媒體,基於佢嘅立場,都有自己嘅編輯方針,呢個編輯方針某程度係一個「濾鏡」嚟,你知道個濾鏡偏紅定偏藍定偏黃定偏綠至得,呢個係作為一個傳媒人嘅基本常識同修養嚟。好似文匯報,同大公報,你需要另類解讀一樣,對東森、TVB-S、鳯凰衛視、香港01以及中國時報,都要做一樣嘅處理,否則你就貽笑大方。

呢次教育大學事件,其實我對部分大中華左膠極唔滿意,蔡若蓮如果唔係政治問責官員,純粹係一個公務員,你講禍不及妻兒仲有少少道理,但蔡若蓮作為一個教育官員,經常搞人細路,依家被公眾慶祝佢白頭人送黑頭人,呢個係政治問責官員嘅職責,正如民主派政客都要預咗時聞香港、大公報、文匯報果啲冷嘲熱諷,甚至誹謗都好難告,因為政客基本上唔告得人誹謗,至少香港仍然受英國案例所約束。我都係果句,蔡若蓮出得行嚟,預咗要還,呢件事上面,點解成班大中華左膠喺網上被人圍攻,因為佢呢班友不明敵我,不知輕重,走去幫果班土共搞文革自己都唔知。

講真,無人去撆天半島樓下同蔡若蓮「慶祝」,香港人已經好厚道,呢啲官員,都係果句,出得嚟行,預咗要還。

發表迴響

你的電子郵件位址並不會被公開。 必要欄位標記為 *