昂山素姬-min

昂山素姬 對羅興亞人嘅態度到所謂民主中國夢

好多香港人都誤以為,建立所謂民主中國,香港就有好日子過。我諗呢個夢,大家睇到 昂山素姬 對羅興亞人嘅態度,果種令人心都寒嘅態度,香港人應該夢醒,如果仲信乜嘢民主中國夢,同羅興亞人信 昂山素姬 ,應該無乜大分別。

民族沙文主義下嘅所謂民主

昂山素姬 值唔值攞諾貝爾和平獎,仍然值得,佢同全國民主同盟對抗軍政府,果種生與死嘅鬥爭,仍然要尊敬。問題係, 昂山素姬 之所以可以成功抗爭,因為佢有佢老豆昂山將軍嘅光環,邊個夠薑郁國父個女。而昂山將軍係靠民族主義論述,仲要以佛教為主嘅民族主義論述起家,所以對住撣邦,仲話有得傾,因為昂山將軍係應承過一個聯邦化,俾撣邦土司有自治權嘅緬甸,但羅興亞人,根本緬甸人就千方百計想趕佢地出去,你覺得民主緬甸會帶嚟羅興亞人嘅希望,啱啱好相反,一個有民意授權嘅政府,喺緬甸呢種並無經過轉型正義嘅民主發展下,隨時係變咗令軍政府班友殺得更起勁,以往軍人對反對派果種殘忍嗜血,改咗用喺羅興亞人身上咁解啫。

如果中國突然民主化,你覺得中國人本質會唔會變,台灣叫好啲,有一批日治年代留低嘅台灣人,好似柯文哲咁,多少都係有日本遺風,你見到反年金果班國民黨仆街都搞成咁,如果依家中國無一個去中共化過程搞民主化,你覺得香港人有運行,隨時民意授權下迫香港行一國一制,所有利益盡歸中國所有。當然,永續基本法,根本係一個大話,不折不扣嘅大話。如果面對依家呢種中國人嘅品質,你仲指望建設民主中國,我相信西方無列強可以偉大到統治中國人若干年,然後再改變中國人嘅思想、文化同本質。劉曉波生前講中國要被殖民三百年,我相信大部分強國,要佢地殖民中國十年都嚇到走夾唔抖。英國人都係因為印度太硬膠,至放棄統治,甘地嘅出現反而為英國人嘅撤退留低面子。

所以香港一係歸英,一係獨立,只不過獨立都要小心政權唔好俾熱普城呢啲搏懵人士攞到,建設民主中國?你想香港人日後變羅興亞人咁嘅款,一個建基於「中國夢」所謂民主,好容易變咗法西斯主義。其實最法西斯,往往就係講民主中國呢班友。

發表迴響

你的電子郵件位址並不會被公開。 必要欄位標記為 *