文革-何君堯-min

土共想搞 文革 ?應如何應對

呢幾年,土共嘅做嘢手法,越嚟越似 文革 時代果啲紅衛兵,由五毛黨衝上嚟搗亂,到批鬥林慧思,到依家,已經去到要萬人批鬥戴耀庭嘅地步。對於呢種欺凌行為,華人知識分子一般係唔知點應對,因為自漢王朝獨尊儒術以嚟,知識分子甚至有武人風範,對付無理襲擊。

對付 文革 必須先發制人

讀過 文革 史,都知廣西人食人慘劇係乜一回事,以今日香港啲中坑同大媽嘅修養同水平,只要香港 文革 再起,要佢地食人,絕對做得出,食晒你全家都仲得,所以對土共五毛我係一件都唔放過,我話知佢係唔係律師就係咁解,濫用人性懦弱,就係中國玩得起 文革 嘅根源。德國好運,二次大戰後西部由英、法、美等文明國家恢復民治,清理納粹,至建立聯邦德國,加上德國人有一定反省心,但中國人,又無經歷文明國家佔領,亦無反省能力,你只能自保。

基本上,你依家就要有一份資料庫,果啲積極傳長輩圖嘅whatsapp,facebook account,除咗要report,可以起底,都要起底,越乾淨越好,當你要反抗,或者日後要指出邊啲人有份殺你或對付你全家果陣,有憑有據。我相信香港嘅情況更恐怖,因為當年唔少涉及黑幫分子,或者同黑幫分子好熟嘅人。呢次對付戴耀廷由何君堯吹雞,因為佢夠爛仔,唔係因為佢識法律。而喺各大專院校嘅中國學生,以及土共成員,更加要好好保留佢地任何資料。如果你們唔介意,可以將相關資料俾一份我存檔,方便我分析呢班友之間嘅關係。

如果你係無一個決心對抗呢啲人,或者你本身唔夠勇武,我建議你快啲移民離開,無謂將你全家大細嘅性命做賭注,由猶太人大屠殺到中共果啲無人性大屠殺,好多死嘅人,都係對中共或納粹有無謂幻想,以為自己係最後一個留得住命仔,事實上根本唔係。如果你有外國護照,都唔好以為外國護照好有用,大家要記住,中共嘅國籍法係一個會移動嘅龍門嚟,有朝一日你突然被中國籍,你根本防不勝防。

有啲人話要移民台灣,除非你支持台獨,兼且肯自願加入台灣軍隊,否則都係免問,一方面國民黨太多人渣賣台,另一方面,中共隨時揮軍入侵,你有打仗嘅心理準備?

發表迴響

你的電子郵件位址並不會被公開。 必要欄位標記為 *