摩天輪-何文堯-min

何文堯出嚟救火可以睇到 摩天輪 事件背後商業利益

通常啲政府古怪決定,都有個固定模式。好似西九故宮事件,林鄭月娥未問過香港人,忽然問北京攞咗個project做,之後直接繞過晒啲程序,搵嚴迅奇做設計師,然後又有件叫何文堯嘅粉腸,衝出嚟幫政府護航。呢次 摩天輪 事件竟然都十分之類似, 何文堯 又出嚟護航。

何文堯 專接中國同政府工程

如果TECL係一間成立咗十年,唔係一蚊一股東果啲空殻公司,本身唔係受到Offshoreleak睇住,何文堯衝出嚟膠,我都唔會懷疑係西九故宮翻版。但依家TECL只係一間2016年成立嘅空殻公司,可以攞住政府咁大個project搞 摩天輪 ?你何文堯無嘢嘛,你接咁鬼多政府工程,你間何文堯建築師行,大部分都係做政府project,或者中國嘅project,如果只係同政府熟就可以攞到project,咁不如唔好做算喇。

依家有調查,TECL班大帝可能同九龍倉有關,呢點我有啲保留,Michael Sean Denmark呢班友,應該係專業幫人用BVI公司做嘢,否則唔會上咗Offshoreleak嘅資料庫裡面,你果個辦公室其實至係最重要嘅一條線索,但依家都無記者衝上TECL嘅辦公室查發生乜事,呢件事十分之詭異,稍後事件我應該會就TECL辦公室業主作出查冊,我相信由呢度,可以更清楚知道,究竟政府要找邊個地產商嘅數,搞出呢次 摩天輪 事件。

其實好多唔合理嘅政府決定,特別同林鄭月娥有關果啲,好多都涉及一筆政治債項。例如西九故宮,應該係林鄭月娥用嚟擦北京嘅鞋用,曾俊華不屑做呢啲違反善治嘅決定,咁中聯辦將果777票灌晒落林鄭月娥度。同樣嘅, 摩天輪 位處嘅海濱用地係肥豬肉,仲要涉及北京嘅商業同政治利益,否則點會到依家,林鄭月娥都未重建皇后碼頭。當你知道「西九故宮」模式係點嘅一回事,又見到同一樣嘅人,同一樣嘅手法果陣,你覺得中央投標委員會果啲AO敢做啲賭撚決定?

我個人強烈要求,林鄭月娥公開文代事件,唔好攞香港人嘅海濱以及 摩天輪 嚟找你啲政治數,挪用公共資源找政治帳目,根本係腐敗嘅開始,公眾絕對唔會接受。

發表迴響

你的電子郵件位址並不會被公開。 必要欄位標記為 *