英國簽證-min

英國簽證 大亂可能搞邊科

近日出現 英國簽證 大亂嘅情況,好多香港留學生,特別係揸學生簽證果啲,都遇到依家都未出到簽證嘅情況,唔知英國搞緊乜。

如果你用BNO,我建議你去咗英國先,要求內政部喺英國本土至補番Entry Clearance你,因為根據英國入境法,你就算齋攞住本BNO,都可以頭六個月合法以學生身份居留。但以我所知,未有BNO中招,因為好多BNO都係被勸改揸YMS Tier-5簽證去,所以中招嘅,幾乎都係特區護照持有人。究竟依家發生乜事,搞到全世界 英國簽證 大亂。

IA 1971與 英國簽證

通常英國內政部都係改系統果陣炒粉,一如上次全球英國護照,除咗英國海外殖民地外,全部都由利物浦發出,搞到炒車咁滯,呢次 英國簽證 簽到炒粉,好明顯係英國改緊系統有關,但英國因乜解究要改系統,除咗BREXIT有可能要對EU Citizen施加Immigration Control之外(如果做到嘅話),大家可以由2017年8月6日,英國政府提出廢除Landing Card呢樣嘢睇得出嚟。

為免仆街移民律師同熱普城中人抄料,關於Landing Card問題技術含義,我唔會喺呢度詳細寫。只不過,Landing Card呢樣嘢係為「照顧」Non-EU British發明,現時世界各國航空公司嘅Check-in系統,係唔會同英國分邊個係BC,邊個係BNO,邊個係BOC,再加上依家全球英國護照幾乎都係英國本土發出,大家都估到,應該有重大法律變動即將發生,至會作出咁勞師動眾嘅改革。雖然Landing Card係一樣好煩嘅嘢,但以香港入境處嘅效率嚟睇,英國可以保留Landing Card呢樣嘢,而唔會影響處理出入境人員嘅速度,而Landing Card本身,一定同個簽證系統黐埋一舊,否則就唔會成一個完整系統。

一個深知英國國籍法技術背景嘅人,會知道呢次 英國簽證 系統大亂,背後唔會純粹係冚Server,特別英國公家機構啲電腦系統,例如NHS果啲,可以退聯到明明係咁中malware都唔換。呢次英國突然換系統,無咁簡單。

One thought on “英國簽證 大亂可能搞邊科

  1. 未有BNO中招——–>有資格拎BNO果堆人兩三年前已經考完DSE,依家要去英國都應該係讀接駁學生課程或碩博士吧,後者未必要迫埋九月開學。

發表迴響

你的電子郵件位址並不會被公開。 必要欄位標記為 *