李剛-min

李剛 被拉,香港成棚土共好自為之

李剛 被傳因收水收到被人燉冬菇,相信呢單唔係新聞,只不過,依家 李剛 連全國人大代表都無得做,就好明顯係大新聞,應該 李剛 好早已經被雙規咗,爭在幾時正式踢出共產黨,然後交由司法機構處理。但 李剛 涉貪,唔會只係得佢一條友被拉咁簡單。

李剛 喺香港收咗乜人水?收咗幾多水?

其實政壇中人嘅講法都啱嘅, 李剛 喺香港在任時間更耐,而且香港涉及嘅肥肉更多,澳門都係貪,但澳門四大家族同一眾黑幫嘅分贓系統,其實 李剛 無乜嘢好做,even做埋中聯辦主任。但香港中聯辦唔同,大家睇林武都可以也文也武到呢個地步,就可以睇到, 李剛 收嘅片,絕對唔會係一筆細嘅數目。只不過,依家中共中央好明顯未對十九大嘅權力分配,特別香港呢部分應該點搞落定論,所以至未披露 李剛 喺香港期間收咗幾多片。

但可以肯定係,成棚土共一定有得震無得瞓,一方面, 李剛 呢單案一路燒上去,隨時燒到彭清華、張曉明,甚至張德江,十九大如果踢走張德江,一定連相關系統嘅人馬一併鏟除,所以隨時土共死得仲快過香港啲泛民,因為呢班友如果無份貪,真係無乜人會信。另一方面,有幾多有錢佬曾經俾 李剛 好處,甚至有無政壇中人向 李剛 提供好處,換取喺香港政府嘅官位,呢個問題,香港人絕對想知道,如果因為有人賣官搞到香港民不聊生,買賣雙方都應該嚴懲。

只不過,如果呢單案想由廉署嚟查,我相信北京唔多可能將呢單案交俾廉署,一方面,北京控制唔到廉署,另一方面,現任特首,或現任政府高層干預廉署運作嘅話,就好可能阻礙習近平嘅調查,畢竟依家香港政府啲人,同中聯辦都有太多千絲萬縷嘅關係。如果突然間有香港富豪上咗北京長期返唔到香港,或者突然間有啲土共要長期留喺北京,好似人間蒸發咁樣,其實大家都估到有乜事將會發生㗎啦。

李剛 被拉,香港土共好自為之,習近平唔係乜嘢好人,只不過,喺中共食人族式嘅權鬥中可以漁利嘅,都不妨買多少少花生,甚至有時候協助提供一下證據咁,呢啲叫借刀,反正中共內鬥都係狗咬狗,一嘴毛。如果有人叫你唔好抽水,反而你要諗吓對方乜背景。

發表迴響

你的電子郵件位址並不會被公開。 必要欄位標記為 *