專線小巴-min

專線小巴 受到幾多無理阻撓:睇捷輝咪知

雖然我係一個巴膠兼鐵膠,但我一直對 專線小巴 採取鼓勵態度,因為並唔係每一種路線都適合大大架巴士行,當然, 專線小巴 納入專利巴士規管,係我嘅終極目標。只不過,運吉署以至土共政棍對 專線小巴 營運者嘅阻撓,並非大家想像中咁簡單。

專線小巴 如何被運吉玩死嘅

原文超長,有意睇,就睇番呢度

其實捷輝某程度上,係做嘢手法最接近 專線小巴 專利化諗法嘅人,因為如果真係接手212成功,將專利路線同小巴嘅靈活性二合一,係會大大改善香港公共交通嘅配合度。我個人喺德國住經驗係,DB(S-Bahn)、Tram、巴士、細size嘅巴士四者合一,係缺一不可,否則大家只會喺香港市內揸車。依家香港塞到傻,都係因為政府嘅諗法所致。但運吉署係任何 專線小巴 嘅重組計劃都唔俾,喺MTR已經嚴重overload嘅情況下,運吉班狗官維護緊乜人利益,我十分之想知道。因為依家運吉署嘅決策,甚至主動得罪 專線小巴 營辦商嘅行為,同運吉署應有嘅盡量提高市民使用公共交通比率嘅目標背道而馳。

對於好多巴膠嚟講,佢地一定認為果啲雙層巴士至係巴士,仲要一定12.8米都係巴士,唔係雙層全部都唔係,其實九巴都試過用豐田Coaster營運專利路線,城記都用過三菱Fuso,其實只要 專線小巴 營辦商願意去接手啲豬骨線,好似212咁,就應該放俾佢地做,但運吉係寧願摺咗條線,都唔俾任何人去試,究竟係乜嘢心態。特別依家小巴係有低地台車(唔只Optare Solo,我可以同你講),咁你依家運吉署係為乜人服務,我越搞係越唔明發生乜事。

當然有巴膠可能認為九記、中華巴士至係巴士,咁城巴係乜嚟,為香港巴士帶嚟重大變革果個,係城巴,當然除咗因為李日新外,城巴唔係原有專利巴士公司,佢用非專利嘅身份進軍專利市場,至有新嘅市場變革。而如果 專線小巴 可以接手專利巴士豬骨線,甚至乾脆納入專利監管(唔駛買牌,佢地手上嘅牌點處理可以傾),可以做到大型專利公司就可以專心做特快線,而小型專利公司,就做鄉郊或feeder line,喺日本鐵路嚟講,就係在來線。我依家想知,運吉署係想搞啲乜交通政策出嚟,就炒晒班茂利算數。

One thought on “專線小巴 受到幾多無理阻撓:睇捷輝咪知

  1. 「我個人喺德國住經驗係,DB(S-Bahn)、Tram、巴士、細size嘅巴士四者合一,係缺一不可……」
    是否遺漏了地鐵(U-bahn)?

發表迴響

你的電子郵件位址並不會被公開。 必要欄位標記為 *