BNO

星期日休息 :一堆基於白痴偏見嘅反 BNO 人士

幫 BNO 爭取平權有咁多年,都被人當傻佬好一段時間,只不過,隨住啲人越熟悉歐盟法律,以及實證經驗,依家好多五毛反 BNO 言論,基本上都站唔住腳,只不過呢類白痴仍然唔少,甚至有啲人,係因為自己嘅大中華民族主義,幫中共踩 BNO 多一腳。呢個八號風球嘅禮拜日,星期日休息會出現開拖版,專門治果啲白痴到爆嘅反 BNO 言論,由親共到親泛民都有,高低職位都有。

知少少扮代表嘅親共反 BNO 人

首先,攞件公關界嘅白痴,中大校友評議會嘅前常委,幫梁振英做走狗嘅文振球,睇佢講 BNO 喺歐洲入境無chop,佢問咗啲乜問題

文振球
文振球

中大校友評議會出到呢啲無恥智障,真係家門不幸,我作為前常委都感到痛心,有兩個常識,呢條友係唔知:

  1. 當你持BNO喺香港及中華人民共和國本土以外地區行事,你係用英國人身份出入歐洲,中國使館係連領事介入嘅機會都無,求中國領事協助,條友對國際法認識係白痴。
  2. 根據2004/38/EC歐盟指令, BNO 根本唔可以受任何入境管制,呢個正係 BNO 依家喺神根區無stamp隨便出入,歐洲唔少國家可以俾 BNO 居留嘅原因,如果唔識EU Law,就唔該收檔。

當然文振球無喇喇展現自己幾白痴,因為有件叫Haiyu Chan嘅港女,喺英國某間大學做,一口話定 BNO Subject to immigration control,所以無居歐權。呢啲友仔當自己LLB果陣讀嘅有限法律知識當聖經,當然得罪包括我在內嘅方丈,我可以講, BNO 嘅法律地位,比好多香港人想像中複雜好多,特別捲入 2004/38/EC 之後,我只能講,佢係BREXIT其中一舊必須解決嘅膠嚟。稍後如果出現對IA 1971嘅改變,而解決其中一個一定係 BNO 呢舊英國加入歐盟後至出現嘅異形。一般 subject to immigration control嘅英國護照,唔計BDTC或BOTC,一般會直接印上 The holder is subject to immigration control。但 BNO 果句 Observation 提供英國極大彈性空間做嘢,設計 BNO 果條友係有心發明出嚟,如果咁都睇唔明,我就幫佢唔到,我亦費時教精佢,所以我直接block人。因為ROA同Subject to immigration control,英國將呢兩樣大家假定係一樣嘅嘢,搞到係唔同,英國法律簡直係愛好玩膠人士嘅至愛,亦係咁解。

但Haiyu Chan令我發火嘅原因,唔只白痴,而係果啲因BN(HK)A 1990攞到BC嘅人,唔少係比英國人本身更踩低 BNO ,BNO因為受共產黨1996年嘅人大釋法影響無法成為British Citizen,咁樣受歧視,自己做咗不受影響人士,唔係應該幫其他BNO,仲要因自己無受害而沾沾自喜,呢啲人係我眼中係賤人一等,所以我之前唔想解釋因BN(HK)A 1990攞到BC啲人嘅問題,亦係因為我遇到呢啲賤人太多。其實 BN(HK)A 1990攞到英籍嘅人,好多都傳唔到英籍俾香港出生嘅下一代,一旦BREXIT,未必再有其他路帶走自己嘅子女,點解唔一齊爭取平權,仲要踩 BNO 。當然,好似梁君彥一家、林鄭月娥一家咁,攞住英籍害香港人嘅,我要求英國政府剝奪呢啲人渣全家英國國籍,等佢地好好做真中國人算。

梁國雄係另一位我高度反感嘅反 BNO 人士,梁國雄近排係頻頻對Vince Dick Ma,一位居留英國嘅 BNO 作出種族歧視言論,請梁國雄搞清三個事實 

  1. BNO 係英國國籍一種,唔係旅行證件,仲堅持旅行證件論,證明你閣下嘅法律知識根本不配做議員。
  2. BNO 係被屈做中國公民,點解中國唔搞國籍選擇
  3. 點解漢人一定要做中國公民,唔可以做英國人,呢啲狹隘民族主義根本係法西斯主義,你仲好意思著住哲古華拉嘅衫,話自己係托派。

所以我依家同梁國雄完全無朋友做,亦唔打算支持任何社民連嘅活動,一個支持社會民主主義政黨,係唔應該搞種族主義。

而林慧思持 BNO ,絕對有權唔認自己係中國人,中國政府硬屈你國籍唔代表你一定要。以前啲印尼華人,有啲唔要硬屈嘅荷蘭國籍都只堅持攞中華民國護照,情況一樣。但林慧思任教間學校,竟然要迫林慧思認自己做中國,我希望天主教香港教區解釋下乜事,否則如果有人寫信去天主教羅馬教廷,要教廷了解乜事,都唔係太難,要教廷留意下香港教區幾時變咗三自愛黨教會都好。

香港膠人太多,但可以肯定,民族主義簡直係減低智商嘅病毒,邊個都一樣,邊派都一樣。

One thought on “星期日休息 :一堆基於白痴偏見嘅反 BNO 人士

  1. 當年換智能身份証,政府文員及SIO先後誤導我,話如果我只係BNO或只有居英權,而在身份証申請時自稱係英籍,係屬於虛報。

    我完全唔認同有關講法,所以我無理會,堅持寫英籍。之後,該SIO再話:「如果你寫英籍,特區政府有權唔發特區護照比你。」

    我:「多謝,我呢世都唔會申請特區護照,你放心。」

    我太太喺換証時,亦係受到有關嘅滋擾,文員及SIO試圖誤導。

    後來,有被調職去協助處理換智能身份証嘅政府文員朋友同我講,話啲SIO要求文員留意,如果有人自稱英籍,就要勸阻話BNO或居英權唔可以自稱係英籍。

    呢樣嘢,係香港政府有計劃去做。

    所以,下一次換證,我估計港府會用更絕嘅方法,去阻止人申報自己係英籍。

發表迴響

你的電子郵件位址並不會被公開。 必要欄位標記為 *