網購-min

網購 ?梗係學德國,仲學中國

呢排多人講咗 網購 ,講到支付寶、微信、淘寶天上有地下無,呢啲中國維穩媒體及其仆街真係令人想打佢一身。以我喺德國嘅經驗,我喺德國都成日網購,不過運吉署搞唔掂啲交通,金管局搞唔掂啲銀行,就算數吧,更加唔好俾馬雲呢啲人渣入嚟,呢啲人渣根本只能喺中國獨有嘅奇異環境下生存。

網購 講金融同交通基建

要 網購 普及,先講金流,喺德國,一樣唔駛credit card都可以網購,但唔係靠一啲類似支付寶嘅奇怪服務,而係德國同一眾歐盟國家,喺SEPA(Single Europe Payments Area)基建做得好,只要入IBAN同SWIFT BIC,即入你嘅網上銀行,入密碼加ChipTAN(類似香港保安編碼器嘅嘢)或mobileTAN(類似香港SMS一次性密碼),錢即俾完。

而所謂QR Code買嘢,喺德國,你只要有Payback呢張跨超級市場嘅折扣卡系統,加app,加喺SEPA過0.01 EUR認證,除非個別REWE分店啲QR Code Reader太虧,否則你喺DM、REWE等買嘢,嘟完個App QR Code即走人,快過八達通,購物款項由你銀行戶口度扣,就係咁簡單。所以,呢個係金管局嘅問題,唔係要啲奇怪嘅電子付款服務,只要香港銀行間嘅轉帳有類似SEPA體制同公開API,大把唔同嘅電子付款體制你玩。我只可以講,依家有部分人,根本只係騰訊或者阿里巴巴嘅打手,如果你熟歐洲嘅,根本覺得呢班友係一一派胡言。

跟住,網購上門派貨問題,香港啲貨運公司成日遲到,邊間都係,最可靠可能係超市攞貨,或類似Deutsche Post DHL Packstation嘅系統(德國有咗好耐),點解德國人放心 網購 ,一方面,網購確實平啲,好多時免運費兼俾街上買平20%,選擇亦多啲,另一方面,人地德國係唔會市中心或Autobahn塞到一塌糊塗,路面基建係關鍵,但香港,成日有何秀蘭呢啲邏輯,多興建道路會製造擠塞,反對加建香港內部使用嘅路,政府就浪費時間同金錢起港珠澳大橋,我頂佢個肺,而湧入香港嘅中國車越嚟越多,中國南移人口不受限制,香港啲物流唔出事就奇。所以,劏咗運吉署班狗官,同真係限制中國南嚟移民,就會 網購 方便啲。馬雲同馬化騰,我一蚊都唔會想俾佢地賺。

發表迴響

你的電子郵件位址並不會被公開。 必要欄位標記為 *