神沙-min

神沙 治DQ:用大量輔幣集體幫游梁找數玩殘土共

對於歐洲人,甚至部分中國人嚟講,用 神沙 嚟玩膠,相信都唔係乜新聞。只要你有決心,用大量 神沙 去俾錢,當中巨額行政成本可以玩殘,而且警方唔可以話係非法集會(屌你,集體找數俾你呀,想點呀,hihi),而我依家就整條具體建議,只要泛民肯玩,借游蕙禎刀去玩,我敢擔保,之後政府唔會再追DQ條數,共產黨實搵神秘人找晒啲數算數。

神沙 玩人最緊要人多

大家重溫一下,《硬幣條例》嘅條文

行政長官會同行政會議可藉命令授權發行硬幣,其設計、面額、成分、準重量及可容許的 公差,須於命令內指明,而只要該等硬幣沒有經過任何受法律禁止的形式處理,即屬作為支付下列 款額用途的法定貨幣─ (由1999年第68號第3條修訂)
(a) 以面額不少於$1的硬幣而言,所支付的款額不超逾$100;
(b) 以面額少於$1的硬幣而言,所支付的款額不超逾$2。

表面上,可以阻止人用 神沙 嚟玩膠,但既然係玩膠,只要有loophole,就有膠可以玩,否則又點叫玩膠,基本上,你揸住100個1蚊硬幣,以及二十個一毫子硬幣,就係必須受理嘅法定貨幣。

所以,依家唔好再俾錢游蕙禎同梁頌恆,依家游蕙禎同梁頌恆只要做一件事,就係律政司同立法會出數果陣,將果張追數單公布天下,特別係找數地點,全香港市民,就每人手持102蚊硬幣代佢地找數,並且要求立即簽出收據,政府機關係要立即簽出收據,屆時大批市民聚集排隊用神沙找數,唔通告我非法集會?千二萬堂費,就要十一萬七千六百四十八個人排隊去找數,我屆時想知道,政府係唔係想搞出佔領中環翻版至肯收科。就算政府提供其他找數方法,公眾都唔會理,夠薑就唔收果筆數,要求法院判破產,屆時高院破產庭面對大批打算代為找數嘅市民,我唔知可以點處理呢件事喎。

當玩到咁膠果陣,我睇共產黨會唔會出神秘人,幫晒DQ六人組找晒啲堂費,同埋啲奇怪帳項。等到有神秘人代找政府堂費同立法會薪津後,再慢慢公眾籌款,代找有份幫DQ六人組打官司嘅律師費都未遲。如果政府仲唔收,憤怒民眾掟毫子入法院嘅奇景都應該幾好睇。

發表迴響

你的電子郵件位址並不會被公開。 必要欄位標記為 *