解放軍-min

解放軍 真係有戰鬥力?深表懷疑

澳門俾天鳩搞到一鑊泡, 解放軍 依家至介入救災,當然,法理上我理解,因為 解放軍 任何呢啲實質執勤,唔只澳門政府申請,喺黨指揮槍嘅情況下,基本上無習近平命令都不得妄動,所以 解放軍 只可以幫手執拾場面。本來都係好事嚟,但呢次將 解放軍 戰鬥力一次過露底。

解放軍 咁都中暑唔係嘛

雖然澳門都係熱,但未至於酷熱,如果 解放軍 平日嘅訓練強度唔係太差,而軍服無著錯,設計又無錯嘅話,無理由四條友送上白車,變相為澳門加重負擔。軍人嘅體格要求,無論係黨軍定國家軍隊都係一樣,因為喺戰場上,天氣幾熱你都要頂,呢個係生同死嘅問題,除非你枝軍隊嘅唯一目的,就係好似1989年天安門廣場果次咁屠殺平民,所以我一直將 解放軍 視同日本皇軍、德國黨衛軍同國防軍一類無武德軍隊看待,亦都係咁解。

駐澳 解放軍 雖然無乜作戰任務,但由於係一國兩制「示範單位」,所以佢地應該係 解放軍 相對精銳一班,但依家都搞到四條友上白車,大家或者會明白點解,印度同中國軍隊近日嘅初步衝突,竟然係擲石,唔怪得旺角魚蛋革命班友咁驚飛磚,如果呢啲人咁唔頂得熱,除咗啪咗安非他命可以攞住AK-47亂掃廿四,或者用坦克車碌人,仲識得乜嘢作戰戰術,隨時香港街頭巷戰,一大堆高空磚頭已經可以KO一堆 解放軍 。大家要記住, 解放軍 喺澳門呢次連正式啲嘅作戰任務都唔係,純粹係執垃圾,你聽過澳門有人執垃圾執到入廠未,即係澳門政府啲清潔工人體質都強過班 解放軍 ,咁由澳門人自組民防部隊算喇,仲駛呢班廢柴中國軍人咩。

當然,認識中國國情嘅人,都明點解呢啲咁廢嘅軍人都可以喺澳門出現,因為 解放軍 賣官情況嚴重,啲人係要俾錢入軍隊,有唔少軍人根本係體質唔及格,例如過肥。喺新加坡,武裝部隊徵兵最浪費時間同公帑,就係幫啲BMI肥晒佬嘅人減肥,同建立體質,新加坡嘅兵役制度,依家搞到變成新加坡國民健康政策嘅一部分,至少唔好搞到成個國家啲男丁都係無氣無力咁先。見到 解放軍 呢啲水準,我覺得香港人都係時候認真搵個專業健身教練train自己。

One thought on “解放軍 真係有戰鬥力?深表懷疑

  1. 離晒大普, 昨天天氣又不是太熱, 我真的不明白為何掃地可以掃到吐白泡? 是否中央台又表演解放軍感性的一面?不過我在國內見到些大6親戚真是幾廢, 出街行一個街口都不可要用電單車. 在百度貼吧看見些人說”澳門旅遊強迫購物”, 餓了一餐頂不順要屈服, 我早餐只吃得一個面包午飯沒有! 現在頭暈. 見一些極力想去澳門打工的到了後又說辛苦. 是了像大6的5點鐘準時收工? (4點走定先), 晚上還可以看電視找娛樂. 成個國家人又貪財但又捱不得苦. 同印度打? 點打? 低溫及高山症以攪死他們. 看以前行軍一個人背上150KG子彈,武器食物個人物品,無線電. 美軍打越戰一下雨會不停的下3個月,雙腳浸到發漲和香港腳.解放軍凶自己人便得. 在大6軍人打平民無仇報的! 所以為何有假軍服友?

發表迴響

你的電子郵件位址並不會被公開。 必要欄位標記為 *