澳門電力-min

澳門電力 問題俾香港嘅教訓

澳門電力 因為過度依賴向中國買電,結果颱風天鴿(天鳩)吹嚟,搞到大停電。澳門政府乜都以為可以派錢解決民憤,呢個大家都知,但澳門政府派錢派到咁爽手嘅原因,因為依家 澳門電力 本質上係中國政府主要持有嘅國有企業,呢次係中央企業闖咗大禍,仲要唔派澳門人嘅錢平民憤呀。

澳門電力 股權結構發生乜事

澳門電力 大股東,係叫中法能源投資有限公司,但2014年5月,中法能源投資嘅大股東,包括香港新創建同法國蘇伊士環境集團將中法能源投資有限公司大部分股權賣晒俾南光,南光就係中國國務院喺澳門嘅企業,加上中國南方電網,以及澳門特區政府嘅股份,實際上,已經係一間中資為主嘅公司。2013年,澳門發電廠退役停止運作,今年1月,澳門發電廠開始清拆工作。當中資入場果陣,你就知 澳門電力 最終只會係中國南方電網嘅零售公司,話就話路環有發電廠,甚至聲稱申請興建新電力,但喺中國能源巨頭利益在前下, 澳門電力 當然係維持依賴中國能源為主嘅政策,結果就真係大家有目共睹。

雖然大家成日批評李氏力場,但李家就算將港燈部分股權賣俾南方電網都好,但李家有一樣堅持係,就算係地產賺到錢,港島區嘅電力基本上係自給自足,呢個係香港能源嘅安全屏障嚟。所以,唔單只港燈同中電應該保留喺香港嘅發電廠,而且股權係唔可以俾南方電網以及中資企業買走,如果香港人可以集資嘅話,應該係香港人持控能源企業,唔好俾中國國有企業有任何機會,因為中國國有企業做嘢態度就係香港人你死你事。

港島雖然電力唔靠中國,但九龍同新界好多電力都係靠大亞灣發電廠,除非嶺澳同大亞灣可以變成香港管理土地,並且核電管理交俾法國監管機構代管,否則我寧願中華電力多投資喺天然氣以及風力發電機組,都唔好再咁依靠大亞灣,作為311嘅受影響人士,我睇法好簡單,喺中國呢啲無法準確同誠實嘅民族,係唔應該用核電,大亞灣同嶺澳應該陸續停產,廣東省境內嘅核電廠都應該停建同關閉。由天鴿呢件事,大家可以諗到一旦廣東有地震或海嘯之類嘅天災,啲核電廠會變成點。乜福島第二好好玩乎?

發表迴響

你的電子郵件位址並不會被公開。 必要欄位標記為 *