天災-min

天災 收人百五蚊兩枝水發生乜事

澳門天鳩颱風搞到 天災 ,本來斷水斷電斷網已經好慘,但更加仆街係有商店趁火打劫,竟然夠膽百五蚊兩枝蒸餾水,去搶都唔該搵第二啲人搶,搵澳門啲平民百姓嚟搶,喺日本,呢啲事係唔可能發生,呢個某程度上,當然係一個制度問題。基本上,華人地區都無一套好嘅系統,去防止呢啲趁火打劫嘅問題。

天災 應該就地賑濟

作為311東日本大震災嘅經歷者(我好小事啫,人喺東京咁),當時日本地震,係點處理物資派發嘅問題,當時菅直人政府好簡單,就係叫便利店就地派貨,帳單由日本政府負責。當然,日本由於有一個鉅細無遺到爆機嘅銷售稅記錄系統,基本上便利店賣咗乜嘢,政府嘅系統都會知,所以亦無得抬價,亦無得呃人。而對便利店亦有好處,因為便利店嘅存貨亦可以迅速去清,唔會因為地震造成果啲過期貨品損失或衛生問題。

澳門當然無一個銷售稅系統,但澳門政府既然咁鍾意派錢,就指令超級市場、藥行就地派水,啲數入政府就可以。當然,實預咗有貪污,只不過,澳門呢個咁嘅系統,真係好過藥行百五蚊兩枝水周街搶。而呢個做法,亦應該會比澳門政府啲官僚有效率好多,因為澳門官僚啲效率,實在令人害怕。

其實日本呢種就地派貨嘅做法,最適合邊個華人國家長期備用,一有 天災 可以立即實施,就係有統一發票嘅台灣,因為台灣政府都係可以憑統一發票嚟追番晒果啲便利店用嚟賑濟災民嘅數,而台灣嘅便利店普及度同日本相若,日本行得通嘅系統,台灣都會行得通,咁就大大簡化台灣一旦有地震之類 天災 嘅救濟程序。至於香港,香港雖然便利店都好普及,但香港無銷售稅,喺可見將來,香港人亦會十分之抗拒銷售稅,政府同商戶之間嘅資料係唔通嘅,所以香港好難行呢套。所以香港更應該著重預防災難嘅建設,渠務署喺港島興建嘅巨型排水隧道,可謂少數嘅德政嚟,相信呢套巨型排水隧道系統,投資嘅錢係遠超所值,基本上,日本都係興建大量巨型排水隧道,防止城市因暴雨造成嘅水浸。

至於澳門好唔好興建呢啲隧道?澳門搞得掂依家果個十世都未起完嘅輕鐵系統再講。

發表迴響

你的電子郵件位址並不會被公開。 必要欄位標記為 *