十號風球-2-min

澳門點解 十號風球 變成災難

有時一場天災,就可以試到一個地方嘅文化同管治掂唔掂。 十號風球 最多搞到杏花邨一堆車total loss,有啲地方仍然會水浸,但整體係唔係好大件事,又未至於。只不過 澳門 可以搞到斷水斷電斷網,澳門果種混亂管治表露無遺。澳門人絕對係受害者,但係點解會搞成咁。

十號風球 防災背後嘅文化同制度基建

澳門人唔會懷念葡萄牙人管治,我係理解到,因為歐洲國家,都有管治能力嘅分野。好似德國,排水系統設計一流係全世界都知,青島舊城區德國佬留低啲排水系統仍然係一流,但中國人建果啲就無眼睇。英國人喺歐洲嚟講,只係中挺水平,英國有唔少嘢比唔上德國,例如公共交通同德國比就知乜嘢分別。但英國比起果啲拉丁語系嘅國家,就一定喺公務員系統,以至排水呢啲基建上唔會出事。而山泥傾瀉問題,更加係喺香港嘅英國人,再加上香港人自己努力嘅成果,因為呢個問題,英國本土唔係太嚴重,但喺香港就變成一個嚴峻嘅工程挑戰。

葡萄牙係一個點嘅國家,就係自己都管到一鑊粥咁嘅國家,如果唔係就唔會搞到澳督會貪污,葡萄牙入歐盟係用埋澳門嘅儲備至可以做到。東歐果堆前奧匈帝國成員國嘅水平都好過葡萄牙,因為東歐果啲國家雖然受過俄國影響,雖然共產黨曾經搞到佢地一鑊泡,但奧匈帝國留低嘅奧地利式管治文化同思維方式係存在,所以,東歐果堆國家好多已經追過晒葡萄牙嘅頭,甚至好似斯洛文尼亞呢啲,係大家都會睇好嘅國家,因為奧匈帝國嘅餘韻猶在,拉丁語系果啲膠國,係真係對歐洲有啲認識都怕咗佢,佢地果啲殖民地搞到一鑊粥收場,其實都係可以預見得到。(當然最膠係比利時喺非洲留低果堆殖民地,但比利時本身都係一個極膠嘅國家嚟,例如全歐洲加香港食到毒雞蛋嘅源頭就係比利時,日後有機會可以再寫)。

澳門基本上係由一個膠國,交俾另一個更膠嘅國家去管,澳門人以為中國可以提供比較好嘅管治,但好不幸,中國人嘅膠力同貪污係更加不知所謂。我話點樣可以救澳門,唔係搵個香港人去管,香港人自己都未搞掂,係搵個法國佬幫手執執佢,可以會好一啲。德國佬就對澳門人太harsh,適應不良。英國人果套,未必應付到葡國人喺當地留低幾百年嘅膠力。要認識點解非洲、亞洲國家啲問題,認識佢地嘅前宗主國係關鍵一步。

One thought on “澳門點解 十號風球 變成災難

  1. 澳門現在可稱之為災區,缺水缺食物.澳門在中國的天災中出錢出力.不知中國各省會不會出錢出力支援澳門?這世界有很多事要他們相反來做便很多籍口了!

發表迴響

你的電子郵件位址並不會被公開。 必要欄位標記為 *