十號風球-min

十號風球 下嘅香港混帳物業管理

天鴿(應該係天鳩先啱,日文真係叫鳩,我估太多人未去過鳩居堂買嘢)直襲香港, 十號風球 搞到高層水浸,我以前都試過,約克襲港 十號風球 果陣,我住緊中大逸夫二宿,成部Motorola cd928浸喺水度都居然無事用到成年。但呢次 十號風球 災情勁,有部分同個風無關,係同啲白痴物業管理公司有關,香港物業管理果種態度散漫,真係唔丙佢對唔住自己。

十號風球 唔收埋吊船咁都得

先講昇御門單嘢,呢次管理公司信德集團真係大大鑊,根據《工業及工業經營(吊船)規例》第18條

(1)吊船的擁有人須確保,其吊船不得在相當可能危害其吊船的穩定性或相當可能對其吊船上所載的人造成危險的天氣情況下使用。
(2)吊船暴露於相當可能影響其穩定性的天氣情況下之後,其擁有人 ——
(a)須在切實可行範圍內盡快以及在吊船再度使用前,安排吊船由合資格檢驗員進行負荷測試及徹底檢驗;及
(b)如經檢驗發覺繫穩物、壓重物、平衡系統或支持物不安全,則須採取能再次確保該吊船的穩定性的步驟。

而做唔到上述要求,即屬犯罪,最高罰款200000,以及監禁十二個月,如果搞到流星錘咁嘅款,律政司都不作檢控,法院不作高額罰款甚至監禁,香港人一定覺得天理何在。大家要注意,呢條法律係一條Strict Liability嘅法律,所以我十分之想知道究竟管理公司有乜可以辯解,呢次流星錘事件,呢件事唔只民事咁簡單,絕對係要刑事追究,否則香港每次 十號風球 都大把流星錘等住各豪宅嘅住客。大家都知道,係得啲豪宅至要呢啲吊船。

跟住,杏花邨地庫停車場水浸事件,港鐵物業管理部門胡鬧程度,簡直勁過車務部十倍,明知大浪成咁,啲管理員係唔係應該要提醒所有停車場車主疏散,依家咁多車total loss,我斷估呢單嘢唔係乜嘢Act of God,係Act of careless management就差唔多,港鐵公司應該向杏花邨業主作出清楚交代,點解呢件事可以epic fail到比利時,甚至強國嘅程度。呢次充分睇到,香港可以膠到一個點。

發表迴響

你的電子郵件位址並不會被公開。 必要欄位標記為 *