彭定康-min

彭定康 以總督身份指斥香港政府政治檢控

我唔知強國猿同林鄭月娥後面個老闆,決定堅持政治檢控黃之鋒等三人果陣個腦諗乜,只不過,我依家睇個形勢,呢個政治檢控好可能成為香港一個重要轉捩點。至少由 彭定康 俾《金融時報》封信嚟睇,呢次政治檢控好大機會燒著十分之多嘢。

彭定康 以總督身份出文非比尋常

彭定康 雖然近年已經積極為香港發言,但好少用到香港總督呢個身份作為抬頭,因為呢個銜頭一抬出嚟,佢同香港流亡政府領袖其實無分別,倫敦一定極為尷尬,因為史上極少一個殖民地嘅末任總督,頻頻為前子民出聲到呢個地步。另一方面,依家嘅香港政府,係廿年前英治香港政府衍生出嚟,林鄭月娥等人更曾經係 彭定康 嘅部下,大家諗吓呢種情況, 彭定康 根本係唔會再俾任何面子俾香港政府,只有豁出去嘅情況至咁寫。

而 彭定康 俾《金融時報》篇文有兩點,呢兩點會令英國政府同香港政府同等嘅尷尬:

  1. 彭定康 要求英國政府講清楚喺黃之鋒事件嘅立場,大家聽過前英國殖民地總督向原本宗主國迫宮嘅事未,仲要用香港總督呢個銜頭,除非香港已經變成一個自治領。仲要 彭定康 依家係上議員嚟,仲要 彭定康 所屬政黨,同依家執政果個政黨係同一個政黨嚟。我十分之有興趣想知,Boris Johnson同Theresa May,究竟係會點回應,係唔係要繼續潛水。大家要留意, 彭定康 喺保守黨嘅人,好多隨時可能退黨,為咗反對BREXIT,屆時Theresa May係唔係打算賭X再嚟大選,呢件事十分之有懸念。
  2. 香港總督用自己個銜頭指斥自己啲舊部下領導嘅政府,你話依家香港仲係唔係五十年不變,肯定唔係換一枝旗後一切不變,因為 彭定康 以總督身份,指名道姓斥責港府係不當。對香港政府嚟講,依家已經無辦法再繼承彭定康年代留低任何政治遺產,同以往陳方安生以及曾蔭權可以繼承部分定康之治嘅遺產係好唔同。所以,呢封信香港傳媒居然無報導,證明香港傳媒都係一班受統監府指揮嘅廢柴。

睇嚟,香港問題最終能夠主導果個,好可能就係德國政府,如果CDU政府可以保持執政地位,睇嚟呢個九月同十一月將會好戲連場。

發表迴響

你的電子郵件位址並不會被公開。 必要欄位標記為 *