青嶼幹線-min

青嶼幹線 大塞車,運房局班膠人幾時去切腹

青嶼幹線 本來好少因意外以外嘅理由搞到大塞車,只不過,好日都唔塞一鑊嘅 青嶼幹線 ,因為運輸署班低能官員嘅低能錯誤,結果搞到唔單只入機場塞,係玩到屯門、元朗、深井、青龍頭啲交通俾呢班友搞到亂晒,呢班友玩開Simcity果啲變態模式架?

青嶼幹線 低能錯誤在哪裡

其實 青嶼幹線 個收費亭未ready,就唔好搞雙向收費住,特別 青嶼幹線 係連住機場同市區嘅重要道路,不容有失,所以,要搞雙向收費,一定要收費亭搞掂晒,唔係中間果啲行車線收費亭都未起好就亂咁嚟,呢個簡直係低能白痴之舉,運房局班膠人平日都可謂好事多為,其實應該呢班友全部去攞把日本武士刀去介錯謝罪。其實我建議用武士刀已經俾面你地,我相信好多今日塞喺 青嶼幹線 嘅司機,係想用牛肉刀九九八十一斬到你班硬膠官員粉身碎骨。

有啲人就乘機講,不如快啲搞電子道路收費,咁咪天下太平,我係反對電子道路收費,甚至任何形式嘅道路收費,德國喺公共交通極其充足情況下搞Autobahn免費,德國人係好抗拒任何類似收費閘道嘅物體,上世紀德意志帝國之所以形成,因為原神聖羅馬帝國境內一大堆小邦國、關稅、路費,搞到貨流人流都極唔暢通,阻住地球轉,跟住至有由普魯士主導嘅德意志關稅同盟(Deutscher Zollverein),今日歐盟整合都好有當年Deutscher Zollverein嘅色彩,當年普魯士分開東西兩部分,中間俾啲小國係咁收過路費,真係唔想死就奇,所以德國今日全境係好抗拒任何收費閘。

當然,我講前提係,公共交通係極充足情況下,德國唔會濫收移民(就算歐盟咁玩自由行動,係唔係好多移民入嚟德國),另一方面,德國係做到一張月票,講緊七十歐羅(六百幾蚊港幣,以NRW州計),全市電車、火車(除咗ICE同IC)、巴士任坐。當然係有一個距離限制,但好過香港太多,所以德國人揸車係好多堅係Town to Town,或者要買嘢果陣至出動汽車,大部分市內交通,一係公共交通,一係單車,香港你有無可能一個月市區六舊水任坐,你睇果張港鐵都會票都收你四幾舊水,一個月得果廿程,你要香港人唔揸車,你真係發夢無咁早囉。香港塞大車,係香港啲白痴而不顧民生嘅規劃同交通政策搞出嚟。

2 thoughts on “青嶼幹線 大塞車,運房局班膠人幾時去切腹

  1. 「德國係做到一張月票,講緊七十歐羅(六百幾蚊港幣,以NRW州計),全市電車、火車(除咗ICE同IC)、巴士任坐。」
    黃先生,當地的公共交通是否要公帑補貼先?

發表迴響

你的電子郵件位址並不會被公開。 必要欄位標記為 *