石永泰-min

石永泰 發表意見前唔該declare一下自己係乜Chambers先

石永泰 資深大律師,本來係我一位幾欣賞嘅大狀,邏輯清楚,而且都算企喺法治前線。只不過, 石永泰 喺有線新聞嘅訪問,果啲用字令人搖頭嘆息,大家可以睇吓片先。

石永泰 唔該declare咗自己interest先

照平日 石永泰 講嘢嘅作風,照計唔會講呢啲湯家驊級數嘅言論㗎。只不過,大家一check石永泰個Chambers個list,我心諗, 石永泰 唔該declare the interest或者 rescue himself ,都唔好攞自己間Chambers嚟玩,一被公眾知道係好鬼核突

石永泰-2-min
石永泰-2-min

無錯, 石永泰 係 Temple Chambers嘅Head of Chambers,而湯家驊同一間Chambers,呢件事都未最爆機,更爆機喺個history部門

石永泰-3-min
石永泰-3-min

無錯,呢間 Chambers 出過三位律政司同律政司司長,包括咗英治時代嘅唐明治,中國管治年代嘅黃仁龍,仲有大家都近排憎到佢入骨嘅袁國強。我唔係法律界人士,我都知表面上,大狀係獨行俠嚟,Chamber叫大家夾份用啲resource,但如果大家用得同一個Chambers,呢班友啲關係都唔係點個頭say hi果啲「同事」喇,仲要連埋 石永泰 在內,成村人都做得大律師公會嘅主席, 石永泰 你話自己唔識湯家驊同袁國強都無人信喇。好彩楊振權生涯做大狀嘅時間唔長,搵唔番佢邊間Chamber,同埋同一個Chamber,都有一個敢言嘅法官王式英,否則你 石永泰 呢劑幫朋友,真係幫到自己個朵都臭鬼晒。

其實由今日灣仔嘅遊行人數嚟睇,公眾嘅判斷好清楚,唔好同我講戴耀廷求仁得仁呢啲嘢,依家香港公眾要求嘅法院係公正行事,唔可以the instrument of terror。德國聯邦人權專員嘅聲明,其實正係紐倫堡法官大審邏輯嘅演繹嚟,縱使國會大廈縱火案捉咗個保加利亞人,法院當時都判無罪釋放,之後希特拉至發狂搞「人民法院」出嚟。依家香港部分司法界人士,應該係時候睇番德國嘅歷史,唔捍衛法治嘅結果,一係保唔住自己條命,一係臭名永留。

發表迴響

你的電子郵件位址並不會被公開。 必要欄位標記為 *