彭定康-不光榮撤退-min

星期日休息: 彭定康 世代

彭定康 喺英國評論黃之鋒、羅冠聰MP等人入獄果陣講,香港人或者會唔記得佢本人,或者習近平,但香港人一定會記得黃之鋒,而他以這些人為榮。當然,呢啲人出世果陣,未必受過 彭定康 嘅管治,或 彭定康 走果陣,佢地仲好細個,但無論如何,由1970年出生喺香港嘅人起計,一路數到依家出世果啲,我都可以稱佢地係 彭定康 世代。 彭定康 對香港嘅啟蒙作用,我相信都係香港前無古人。

彭定康 啟蒙咗香港人啲乜?

彭定康 基本上啟蒙咗香港人,係需要同共產黨撐到底,香港人至有得救,如果無 彭定康 啟蒙年青嘅香港人,大家睇依家香港四十五歲以上人士嘅懦弱而自私嘅表現,或者長毛呢種不負責任大中華沙文主義分子(我依家大有資格咁鬧佢),根本唔可能有反國教運動,以至黃之鋒做賭撚觸發佔領運動呢啲事情發生。而何謂政府應該有嘅問責同表現,如果無 彭定康 當年啟蒙,以往英國人無教俾香港人嘅情況下,香港人追求嘅民主,好可能真係比馬來西亞果隻好少少,唔會追求香港有第一世界政府嘅水準。

另一方面, 彭定康 教大家,最終係做一個國際人, 彭定康 返英國後,其實無離開過香港人嘅視線,而佢做歐盟外事專員果陣,係令香港人意識到歐盟嘅存在。喺廿年前,香港人除咗識喺歐洲買名牌,其實對英國以外嘅歐洲世界所知唔多,更加唔好講乜嘢居歐權,或者脫歐討論,甚至香港民主運動爭取歐盟國家嘅支持。但今日,香港有一批人居於歐洲,歐洲國家政府願意公開聲援香港民主運動,你見過德國政府會對澳門政治改革講過任何嘢未?

表面上, 彭定康 啟蒙係上世紀九十年代仲係年青果輩人,啟蒙呢樣嘢,係會累積,而且定康之治嘅殘留,某程度上陳方安生、曾蔭權等人都有繼續實踐,好似林鄭月娥呢啲有居歐權而喪盡天良做中國走狗嘅人唔係太多。所以定康之治,實際上影響幾代人嘅諗法,甚至好多年後,香港都會受定康之治嘅影響,一如到依家,香港仍然有某程度上受麥理浩黃金十年嘅影響一樣。當然,董建華同梁振英嘅惡劣統治,一樣係遺臭香港,呢個日後再有機會講了。

相反,香港依家四十五歲或以上當權果批人,我係一定要公開鬧爆佢地,而梁國雄係典型。梁國雄並非未住過西方國家,梁國雄好歹都曾經住過德國,但佢嘅種族觀點實在係令人反胃,或者佢踢緊德國丙組果陣,由於德國當時唔係多種族國家,歐盟啱啱成形,所以佢至會堅持以種族為本嘅國家思維,只不過,今日嘅德國,你見到係另一個世界,有唔同膚色、國籍、語言背景嘅人住埋一齊,成個歐盟喺一個大混雜過程中,呢個過程,並無所謂血統為本嘅國家,相反,唔同種族嘅香港人,只要認同同一種民主理念,大家都係講英文或香港語文,點解唔可以獨立。種族為主嘅國家,理念一早過程,長毛言論令我反感程度,不亞於喺維珍尼亞州果班搞是搞非嘅3K黨,中國人果種民族主義觀,喺我眼中,根本係3K黨、納粹黨同一路套,我真係唔明點解呢班友仲敢認自己係左翼分子,真正嘅左翼分子至唔會認同呢啲狹隘嘅血統觀念,呢班友真係連蘇聯佬都不如。蘇聯好歹都曾經試過由格魯吉亞人(斯大林),或者烏克蘭人(赫魯曉夫)掌政。請問中國共產黨政權,試過由滿洲人、西藏人掌政未,中華民國都好歹試過滿洲人愛新覺羅.溥聰曾經𠮟咤一時。

無錯,我們真係有理由以黃之鋒等人為傲,如果香港獨立,有黃之鋒、梁天琦等人頭像嘅鈔票同郵票,我唔會意外,但大家都亦唔好忘記啟蒙香港人嘅 彭定康 ,如果香港國際機場改名為彭定康勳爵國際機場,佢應該有呢個輩份去接受呢份榮譽,畢竟佢係帶香港走出大中華狹窄框框嘅人。只不過,依家果班勢利中上層,好似陳健波、梁君彥呢啲人粉,掃入歷史垃圾堆就有份,就更加唔好講呢班五毛。華人歷史有太多愚昧之徒,而真係有反省過,走到脫亞入歐之路,除咗上世紀南洋英雄李光耀外,依家寄望就係新生代嘅香港人,唔係一班揸住歐盟護照但唔認同歐盟價值嘅混蛋。

(下周星期日休息預告,我會寫現代德國與英國嘅關係)

發表迴響

你的電子郵件位址並不會被公開。 必要欄位標記為 *