樂視

樂視 與支爆

樂視 嘅債務問題,似乎係一個唔為港豬留意嘅財政炸彈,樂視喺香港兩間附屬公司已經被債權人申請清盤,而 樂視 喺中國都被人睇到實,包括連賈躍亭名下嘅資產都凍結埋,只不過, 樂視 嘅危機,明顯被低估,果啲我討厭政治嘅友仔,好快知道乜叫大鑊臨頭。

樂視 點還果幾百億債

樂視 聲稱自己嘅債務比率係55%,但如果債務比率真係咁,就唔會啲街數根本未清過,依家 樂視 問銀行借成百幾億至幾百億人民幣,跟住又爭幾十億街數,然後又有一堆私募基金、員工等等中伏,夾埋至少都有四五百億人仔嘅債務, 樂視 一旦真係破產,呢一大筆爛帳連鎖反應點搞,我真係十分之想知。

中國啲國有銀行,一定因 樂視 搞到焦頭爛額呢個係肯定,但國有銀行都未必會第一波受衝擊,因為中國政府為咗冚住支爆,依家仲有少少能力遮掩由 樂視 造成嘅爛帳,造成所謂風險可控狀態嘅假象幾個月,依家反而第一波受衝擊係果啲外判商因為 樂視 清盤血本無歸,然後新春走路,特別台資果啲,台灣銀行有可能受到衝擊,特別香港果啲清盤聆訊一展開,香港法院喺刑事案上嘅公信力,係被上訴庭自己清咗袋,但民事案件依家暫時仲會照常行事,換言之, 樂視 香港兩間子公司被清盤嘅可能性好大,因為我睇唔到香港有邊條友會接 樂視 啲業務。 樂視 一清盤,我相信一波接一波嘅連鎖反應,至係惡夢嘅開始。所以,依家如果仲有人喺股市摸頂入貨,我個人只能祝呢啲友仔好運嘞。

但對於香港討厭政治嘅人,未必認為支爆發生緊,甚至堅持恥笑果啲支爆論嘅支持者,只不過,因為英國溫布頓網球賽嘅主辦當局,申請緊將 樂視 體育清算,如果 樂視 體育找唔切數,我真係諗唔到英超會唔會播播吓無得睇,畢竟依家香港轉播權係 樂視 買嘅,並唔係電訊盈科買嘅。當然,電訊盈科要有心理準備去買個賽事轉播權返嚟,否則香港真係大把人火都嚟,畢竟好多香港人都係鍾情於睇英超。而依家有線電視嘅股東組成,我相信你都唔會想由有線電視嚟買,更加唔好講CCTVB喇,你諗吓播播吓英超見到荷蘭叻條撚樣,你只會諗起林振強生前果篇形容荷蘭叻影響力嘅文。

發表迴響

你的電子郵件位址並不會被公開。 必要欄位標記為 *