國會大廈縱火案-min

香港版 國會大廈縱火案

對讀歐洲史嘅人,林子健事件個鋪排係越嚟越不安,只不過,過去一兩日,講唔出係乜事。但依家,警方竟然話打算落案charge林子健,Factwire啲CCTV片一大堆疑點(包括來源都係疑點),都要落charge,跟住我諗到係乜嘢事,呢件事係香港版 國會大廈縱火案 嘅翻版。

國會大廈縱火案 :無聲政變

Der Reichstagsbrand ,係 國會大廈縱火案 嘅原名,喺1933年2月27日,柏林國會大廈突然起火,之後捉到個荷蘭共產黨員,喺嚴刑迫供下侷住承認佢放火,然後希特拉乘機抽水,大肆逮捕共產黨人,以及呃到惡名昭彰嘅授權法案返嚟,由於萊比錫法院判當時第三國際喺德國代表無罪,最後希特拉連德國嘅法治都取消埋,換返嚟就係惡名昭著嘅「人民法院」。

林子健事件,其實都係一場香港版嘅 國會大廈縱火案 ,無論林子健係一件on9,係做緊失敗版黃蓋,定係點,但依家港共政權想乘機清民主黨袋係事件,一如納粹黨要清社會民主黨嘅袋,果陣納粹黨拉晒啲共產黨國會議員,又拉一批社會民主黨嘅國會議員,再呃埋天主教中間黨,跟住就3分2多數攞到《授權法案》,將威瑪民主消滅。依家一樣,土共先DQ啲國會議員,依家再可能用嚟清民主黨袋,discredit民主黨唔肯投靠果班人,跟住民主派咁多游兵散勇,可以用昆天主教中間黨嘅手法昆佢地,之後唔好話一地兩檢,連《基本法》23條攞返嚟都應該唔大問題,反正依家國際社會太多張伯倫一類嘅廢柴喺度,張曉明想做張特拉就問題唔大就係。

當時德國可以俾希特拉得逞,因為當時德國人最緊要有工返,之後希特拉透過軍備大擴張,係實現到有幾年德國人檯上有足夠嘅麵包同牛油,只不過,一到1938年至39年開戰,美國禁運,加上軍事上需求甚多,其實德國人好快都無番晒啲牛油同麵包,真係實現德國人檯上有足夠麵包同牛油,係納粹黨戰敗,英、美、法佔領期間,德國自身基礎,再加英國人當時軍政府教德國佬振興經濟之道(搞展覽!漢諾威果啲工業博覽會係英國軍政府諗出嚟,德國佬執行),英美法後嚟整合佔領區成為聯邦德國,再開始組織歐盟至實現。德國人返納粹黨嘅工,結果係大量人命傷亡,同埋永久失去東普魯士。

如果香港人只係識返工嘅人肯讀德國史,應該唔會返工大過天,更加唔會我討厭政治。德國係細細個都要講政治,以免重蹈威瑪覆轍,呢樣明天我會講。

發表迴響

你的電子郵件位址並不會被公開。 必要欄位標記為 *