FactWire-min

點解我唔信 Factwire

Factwire 聲稱攞到林子健事件相關嘅天眼影片,公開咗之後,警察好快拉咗林子健,破案速度之神速,真係令人奇怪。雖然林子健喺政壇名聲唔好,但我一向以lesser evil原則做人,呢件事上,我唔信任 Factwire ,我當然有我理由。

Factwire 真係做調查報導?

首先,蘋果日報曾經問過沿線商店攞天眼片,但蘋果攞唔到片,係警察話唔俾商戶俾片蘋果,咁就奇喇,點解 Factwire 攞到,唯一合理推斷, Factwire 啲片根本嚟自香港警察,否則香港警察點可能單憑 Factwire 嘅片段迅速決定拉林子健,以香港警察一般速度, Factwire 放咗片,至少要一日時間至可能要拉人,但如果段片係香港警察精心剪輯過,咁唔同講法嘞。

而我對 Factwire 嘅不信任,唔係無的放矢,大家仲記得SMRT退晒中國批廢柴車廂件事,點解 Factwire 可以放架無人機入SMRT車廠拍嘢,根據新加坡法律,新加坡軍方駐守喺地鐵車廠嘅人員,可以喺Protected Area附近射擊可疑物件,新加坡係有紅色警告牌,講明Protected Area嘅,呢個當然同新加坡位處好多恐怖分子光顧嘅南洋有關嘞,咁 Factwire 喺SMRT件事度,段片個source邊度嚟,大家心中有數。 Factwire 既然果次都可以唔知乜原因,喺度放政府提供嘅料,點解呢次又唔得呢?

呢個亦解釋到,點解 Factwire 收咗咁多捐款,但products產量之低,完全係一個令人啞然嘅地步,我一條友做調查報導,仲要唔算係全職,收嘅款項唔係多,但我嘅產量唔會少得過 Factwire ,甚至有啲 Factwire 有能力做嘅追尾, Factwire都唔做,最後係由我嚟做,咁係乜原因。如果係靠有人餵料,咁呢個產量真係正常不過。

林子健係唔係好人,以我經驗嚟講,佢唔係好人,但佢無呢個意志同腦袋玩苦肉計,相反, Factwire 呢檔嘢本身都係一大堆疑點,所以基於 lesser evil原則,我選擇唔信 Factwire 。

發表迴響

你的電子郵件位址並不會被公開。 必要欄位標記為 *