19座小巴-min

19座小巴 運吉署點樣搞到好事變壞事

19座小巴 ,本來係一件好事嚟,雖然到唔到20座嘅目標,但乘客上車機會多咗,亦可以令成為小巴供應改朝換代。只不過,運吉署,以及個別車行用嘅不公平競爭手段,真係令人嘆為觀止。我覺得如果有啲香港人咁做生意都得,真係衰過中國人。

19座小巴 霸權如何維持的

其實政府條例得 19座小巴 ,單嘢已經好奇怪,因為好明顯係為豐田Coaster度身訂造,政府由頭到尾都無解釋,呢項政策點樣唔圖利依家佔市場主導嘅車行。呢點都算,中國 金旅 喺豐田授權技術基礎上做到20座,用Cummins Euro 6引擎,加Allison波箱,我個人係對中國車無信心,但如果中國車願意跟香港法例,香港政府無放水,多一款車入嚟香港都係好事。以往中國車被人詬病,好似比亞迪,係政府故意放水或迫人買車。

但神怪嘅事喺呢度,金旅架車唔單只運吉署無合理解釋下,故意驗車果陣用十分之嚴嘅標準故意阻撓,架車去年底嚟香港,依家都未落到地,架車擺喺度八個月,唔知乜嘢阻撓嚟。最神奇嘅事係,限速器、車速顯示器同黑盒嘅供應商,都無準時將相關文件交俾運吉署,係唔係呢啲供應商受到乜嘢暗黑勢力,本來做嘢一直唔甩轆嘅都故意甩轆。所以我十分之相信,運吉署係無對金旅放水,因為以我所知,三菱嘅車嚟香港,受到阻撓都十分之類似。我真係唔知Optare Solo驗車果陣,會唔會運吉署故意玩嘢,其他歐洲車廠嘅車嚟香港,又會唔會被運吉署驗車班官玩呢,呢點我都十分之懷疑,因為連我呢個行外人,都懷疑運吉署驗車部門,係獨厚個別公司,亦係果間公司可以橫行無忌到咁嘅原因。

香港人好多時生活好慘,好多時就係呢啲為咗照顧個別公務員嘅另類利益,搞出嚟嘅不合理政策決定,有部分甚至已經接近公職人員行為失當嘅程度。我個人呼籲,廉署至少喺 19座小巴 問題上,應該請晒驗車組啲官員問話,如果夠證據就儘快展開拘捕行動,等政府請過晒啲驗車官,依家九龍灣班友,已經係香港嘅一個黑洞,有啲專業人士唔係為香港人服務,係為佢地自己服務。

發表迴響

你的電子郵件位址並不會被公開。 必要欄位標記為 *