林子健-十字釘-min

幫 林子健 打十字釘嘅強力部門人員闖下大禍

通常啲華人政權,都十分之漠視人類學嘅研究,只有新加坡政府係例外。而呢次有強力部門人員喺 林子健 腿上咁打十字釘,成個歐洲嘩然。中共對劉曉波衰過納粹,都可能只限中產同知識分子階層知,但幫劉曉波攞球星簽名搞到打十字釘,仲要 林子健 係讀神學嘅,呢鋪真係大鑊到無朋友。

幫 林子健 打十字釘班友唔知歐洲文化

喺歐洲公共廣播媒體,對 林子健 十字釘最有反應其中一個係ORF,即係奧地利嘅公共廣播機構,奧地利係德語區裡面以天主教為主嘅地方(德奧之別其實喺宗教上睇到,德國以基督教佔上風),你咁玩十字釘,對好多虔誠信奉基督教嘅人嚟講,你班友嚟挑機㗎。香港多假教徒,呢個唔駛多講,所以有激烈反應嘅人唔多,至少明光社班假虔誠教徒係深潛之中。但喺歐洲,呢次對好多歐洲人嚟講,中共真係同敵基督無乜分別,係過份過希特拉果隻敵基督,十分之離譜。

跟住,就激慶晒成個西班牙,一路掃落嚟啲歐洲球迷,對歐洲飲住啤酒嘅球迷睇法好簡單,我用粗魯嘅香港語講一次,乜話,幫劉曉波攞Messi簽名相要搞到被人釘十字釘,你中共政權無X嘢嘛,Short咗邊X條筋,大量粗口一定夾雜其中。簡單嚟講,喺歐洲人眼中,中共政權係心理變態兼且無人性,所以ARD旗下啲公共廣播機構,係咁幫你中國拍觀光風景片咁又點,果啲節目未必有人睇,但球迷睇住個網同報紙,見到 林子健 攞Messi簽名,仲要唔係為自己攞,係為劉曉波攞,都搞成咁,大家都會諗到,呢個政權可以有幾咁邪惡,果啲曾經受過共產黨苦頭嘅東歐國家,見到呢段消息會點睇,就更加之唔駛講。

俄國雖然成日做黐線嘢,但普京畢竟自己都算係歐洲人,同埋俄國仲係多少認識歐洲文化,知道有啲嘢有底線,對住KGB前成員或者可以執行家法(雖然都搞到英俄關係極差),但對住平民係唔可以玩呢啲咁離譜嘅嘢,至少唔可以俾國際社會清楚睇到。依家至係,中共嘅思維仍然停留喺滿清十大酷刑嘅年代,所以呢啲瘋狂事情做多幾次都唔覺得自己有問題。中國再咁搞落去,八國聯軍再攻北京指日可待。

發表迴響

你的電子郵件位址並不會被公開。 必要欄位標記為 *