林子健 遭釘槍酷刑:強力部門挑戰國際社會

林子健 幫劉曉波問美斯攞簽名相,竟然遭到強力部門釘槍酷刑。如果係一般釘書機,果啲MAX No.10嘅釘書機,我相信無咁好力,畢竟 林子健 都係一個頗肥嘅人,如果對木工有啲概念,或者釘過吓畫架,咁你就知係乜嘢酷刑嚟。

林子健 遭釘槍酷刑挑戰國際社會

林子健-釘-min
林子健-釘-min

林子健 相信係遭到呢款釘槍對付,呢款釘槍用 No.3嘅槍,係夠力同深釘入去,木工佬有啲都有用,釘入木都得,咁你話釘入大腿果度得唔得,大家都應該十分之清楚明白。

依家強力部門連洗頭艇都慳番,擺明車馬違反中英聯合聲明,呢個唔駛講,我真係唔知英國即將出果份嘅香港半年報告可以點樣同國會交代,但呢次因為 林子健 向美斯幫劉曉波攞簽名搞到咁,西班牙同加泰隆尼亞固然已經著晒(西班牙文傳媒係反應最快,仲快過英美傳媒),而由於劉曉波已經係納粹德國以嚟,遭到最差勁待遇嘅諾貝爾和平獎得獎人,依家仲要攞張簽名相都玩到咁,所以我都好相信,最終結果係全西方國家都一定要回應,究竟依家香港發生緊乜事。

既然強力部門咁鍾意挑機,首先,呢件事係最好向國際社會說明,香港絕對唔適合一地兩檢,如果李慧琼咁鍾意講風涼話,我十分之建議她自己自願被強力部門嘅人釘佢大腿咁多下,睇吓佢釘完後仲相唔相信一地兩檢。另一方面,香港異見人士已經好危險, 林子健 喺民主派嚟講,唔係一線,而係二三線嘅人物,咁都搞成咁,你話香港持異見人士有幾牙煙。既然中英聯合聲明嘅保障根本係無法實現,英國與其逐單case俾政治庇護,不如快啲將BNO及其下一代,以及部分居英權BC喺香港所生無英國籍嘅一代全部平權算數,至少依家未BREXIT前,真係有危險嘅,可以有秩序向歐盟國家撤退,並且立即喺當地投入生活,唔駛依靠英國嘅福利系統。

同埋香港人應該向歐盟同德國,再加英國講明,依家香港情況,遠比銅鑼灣書店事件惡劣好多,我真係相信,遲早會出現類似台灣林家血案,或者陳水扁老婆被車跛腳呢啲仆街事情,國民黨做得出嘅事,共產黨一定係幾十倍咁做出嚟。

發表迴響

你的電子郵件位址並不會被公開。 必要欄位標記為 *