張震遠-min

張震遠 被捕後嘅政治鬥爭

喺梁振英治下期間, 張震遠 除咗被人申請破產,就係只係因欠薪,被人罰過社會服務令,仲要原本法官係判入獄,話佢似有悔意改判社會服務令。但如今,梁振英已經走咗,小桃園飯局裡面啲關鍵人物,一個喺前幾日大掃黑果陣被人拉咗,依家 張震遠 都拉埋。好明顯,一場政治鬥爭已經發生緊,梁振英同張曉明兩件人渣可以坐得幾耐,大家好快就會有答案。

張震遠 係有指標性

張震遠 雖然落難破咗產,但梁振英可以咁耐都唔拉佢,應該好大程度係因為 張震遠 係梁振英嘅山東威海衛同鄉有關,梁振英對香港人果種憎恨,應該係因為佢老豆係威海衛嚟嘅山東差,而山東差喺英國當時政策下係用嚟制衡講香港語為主嘅人,而去到後期,呢班友退役後根本融唔入社會,至會逐一被中共收編。所以 張震遠 有幾大鑊,梁振英能力範圍內都會保佢,我相信警方好早已經有齊檢控 張震遠 嘅證據,但最後拉唔拉人封艇係特首決定,而依家林鄭月娥開始要展開攻勢,要爭取政績,梁振英啲人甚至梁振英本身攞去祭旗,順便清理政府內部仍然效忠梁振英嘅人,就變咗十分之順理成章。所以我話, 張震遠 係有指標性。

而夾埋勝和成棚人被捕,就更明顯,呢次警方連區議員都拉埋,呢啲地區鐵膽樁腳,過往政府邊會敢郁至得。所以,如果唔係林鄭月娥自己落嘅柯打,係唔可能有呢次大規模行動。所以廉署將會點樣處理UGL案,將會係一個十分之重要嘅關鍵,特別係公職人員行為失當當中「黃金枷鎖」概念嘅確立,其實梁振英拉定唔拉,好可能只係時間問題,梁振英仲聲大夾惡學人告誹謗,佢不如搵定星級大狀幫自己辯護好過喇。(雖然我睇佢都會,否則點會係咁發律師信啫,係咪?)

而依家呢次大拘捕行動,啱啱好喺北戴河會議期間發生,呢樣嘢又係值得注意,中共十九大之前嘅北戴河會議,係各派鬥爭最激烈嘅一次會議,究竟呢次會議係咪各方傾唔掂數,開始拉人,呢個又係好值得注意,如果無端端有同林鄭月娥有關嘅醜聞,我一啲都唔會覺得奇怪,因為呢個正正中共嘅食人族本質,中共話佢係一個食人族政黨,都應該無死錯人。

發表迴響

你的電子郵件位址並不會被公開。 必要欄位標記為 *