重奪公民廣場-min

重奪公民廣場 有暴力含義?拉咗梁振英先

香港真係一百歲唔死都有膠聞聽嘅地方,律政司竟然話 重奪公民廣場 呢句話有暴力含義,我唔知上訴庭將會點睇呢件事,畢竟單案審緊,但 重奪公民廣場 都可以解釋到有暴力含義,唔該先拉晒梁振英、曾俊華呢啲人先,唔好同我講咁多廢話。

重奪公民廣場 都可以話係暴力,政府死咗十世

呢個世界,做簡單context analysis好簡單,Google就得,我打 重奪, site:gov.hk 呢句指令,我已經有一堆result,呢堆result包括咗。

http://www.info.gov.hk/gia/general/201605/31/P201605310344.htm

以下是行政長官梁振英今日(五月三十一日)上午出席行政會議前會見傳媒的談話全文:

行政長官:大家早晨。瑞士洛桑管理學院剛剛宣布,香港在全球競爭力的排名重奪第一名。

http://www.news.gov.hk/tc/categories/finance/html/2016/05/20160531_120349.shtml

香港競爭力重奪全球第一

最爆係香港警察,警聲都係咁寫嘅

http://www.police.gov.hk/offbeat/970/chi/s01.htm

決賽當日,警察男子隊首先以五十六比二十八輕取香港海關奪得男子隊季軍。而男子隊的冠亞軍分別由懲教署及消防處奪得。警察女子隊以大比數七十九對二十八擊 敗消防處,重奪失落一年的女子隊冠軍寶座。

香港紀律部隊啲康體活動真係好X暴力,吓吓唔係奪得就重奪,勁到無朋友,唔知副刑事檢控專員喺庭上9up之前,有無做過最基本嘅研究功夫,我相信我唔係要教番你政府班粉腸基本中文用法嘛?

呢此證明,香港依家真係一個指鹿為馬,漠視邏輯嘅社會,可以亂解廿四到呢個程度,仲要喺法庭上咁做,真係係用胸襲警以嚟最荒謬嘅一鑊,挑戰大家對常識嘅認知,我唔知上訴庭將會點回應呢啲9up,但公眾一定十分關注呢單案最後上訴庭嘅回應,因為呢件事真係太過硬膠。

發表迴響

你的電子郵件位址並不會被公開。 必要欄位標記為 *