手機支付-min

手機支付 一定要先進嘅咩?

中國各類 手機支付 講到好勁咁,啲人就話香港點解咁落後,有啲人仲口出狂言,話八達通係好落後嘅思維云云。我除咗喺香港生活,算係依家住緊歐洲,中國 手機支付 興起,其實係中國自己有問題搞出嚟嘅膠嘢。而 手機支付 ,亦唔係好似中國人果種睇法。

中國 手機支付 興起因為偽鈔

中國 手機支付 興起原因好簡單,因為偽鈔,一方面人民怕收偽鈔,另一方面,由於偽鈔緣故,中國最大面額鈔票係一百蚊,根本遠遠無法應付社會發展需要,加上中國政府根本係監控狂嚟,所以 手機支付 就好合中國當局嘅口胃,根本上,中國 手機支付 變相消滅現金,令中國政府可以全面控制社會嘅生活,仲衰過歐洲乜叉都要經銀行轉帳進行嚟防止漏稅同洗黑錢,究竟係唔係好事,呢點我持好大嘅保留態度。

如果 手機支付 ,其實可能係方便到人民就得,好似德國嘅SMS泊車就好明顯實用過乜嘢 手機支付 ,喺德國,你餵咪錶果陣,記住你個咪錶柱位code,如果你用當地電話,就定期send SMS過去就可以餵咪錶,有乜錢就喺電話帳單度計,係唔係呢樣嘢遠比乜嘢 手機支付 實用。至少大家唔會再為咗唔記得落街入錶,同埋啲黃腳鱲拗,你估你真係泊到喺你屋企或辦公室或會議地點附近嘅咪錶架。喺德國,反而咪錶或者賣郵票機有部分仲係食GeldKarte(一種德國接觸式電子錢包系統)。但當地GeldKarte實黐住提款卡,而提款卡可以喺ATM幫GeldKarte增值,唔會好似香港咁,吓吓都要用Cash增值,不如鬧八達通公司喺呢方面唔夠userfriendly好過。

有時真係好怕啲人講,中國乜嘢先進,我唔會信任中國嘅 手機支付 ,因為背後明顯係中國政府監控,我個人當然唔係話乜嘢交易都用Cash,用Cash交易都係好煩嘅一件事嚟。但西方嘅 手機支付 或其他支付嘅基礎,好多係健全嘅私隱法律,政府係唔可能憑一個master key,或者super master key,掌握一個人嘅起居飲食,生活細節,甚至政府要凍結你財產,中國 手機支付 係可以乜都得。我認為呢個係一個美麗新世界。

2 thoughts on “手機支付 一定要先進嘅咩?

  1. 當然還有其他原因,一張紙印上獨裁者或屠夫的照片拿去用,這樣你是否承認他的個人行為? 如希特拉印上自己的樣子作貨幣, 蘇聯盧布及北韓也有此現象,印上列寧, 史太林及現在金肥仔的頭像.情況就好像用張白紙用紅泥印打上自己個樣拿去下面超市消費一樣, 香港幻想生物無問題,以前人仔印工農人山水無此問題. 新加坡同中國關係轉差,那些所謂的人民幣離岸交易中心連影都無晒. 那時說成優待你才比你開來做. (其實最終的人仔交易中心是香港), 但人家一收到人仔立即要你要回美元.不作為蓄備貨幣把它存起來.人家無咁蠢會蝕本的! 你小小新加坡常常要我換回美元, 不造我頭狗! 所以反面是有原因的. 一切要依他中共本子辦事,人家是主權國有獨立思考能力. 香港就無辦法.

發表迴響

你的電子郵件位址並不會被公開。 必要欄位標記為 *