希特拉-中國人

中國人乜以為 希特拉 真係咁值得崇拜

中國啲五毛崇拜 希特拉 本來都唔係新聞,你睇賣殘體字書店,有圖文並茂果啲納粹德國制服同軍備圖鑑就明。但估唔到有兩個中國遊客,竟然膽大包天,對住柏林國會大廈大樓行 希特拉 敬禮(Hitlergruß),結果唔駛講喇,柏林警察立即根據刑事法典第86條a拉人封艇。依家兩條友俾咗五百歐羅保釋金候審。

希特拉 同納粹主義根本係魔頭

當然,成班大中華膠左膠,最鍾意老屈本土派係納粹法西斯嘅左膠,集體消失,對中國國情稍有了解,都知道中國有唔少係十分之羡慕納粹黨管治,而且呢個唔係1930年代蔣介石果陣嘅事,係依家中國都充滿納粹主義風味,只不過,未有人真係傻到喺德國境內做出嚟,唔理德國人普遍對 希特拉 嘅憎恨同反感。依家全世界終於知道,中國人係有幾咁希望將自己軍國主義化,甚至納粹化,簡直係人類文明社會嘅一大威脅。

呢兩條友係唔係百分百貪玩打卡嘅on9,我唔係咁睇,對於一個對納粹發跡史有研究嘅人,我會好懷疑呢兩條茂利係專登咁做,因為 希特拉 奪權嘅關鍵,就係1933年火燒國會大廈嘅事件,因為呢次嘅自編自導政變行為, 希特拉 乘機拉晒啲反對者之餘,更推出《授權法案》,呢部《授權法案》,正正係授權希特拉胡作非為嘅法案,威瑪民主名存實亡。依家呢兩條仆街向柏林國會大廈行 希特拉 禮,你覺得德國人會點諗你呢?你班友仲唔係向1933年果場政變致敬?所以我相信呢兩條友,德國人一定十分之有興趣,如果呢兩條友係果啲經常出現喺「鉄血军事」果啲五毛,成件事就更有趣。

有一樣嘢肯定,呢兩條友,定唔定罪都好,都好大機會變成成個神根區嘅不受歡迎人物,神根區有好多國家有定立反納粹,甚至反共產主義法律,而呢兩條友無論基於乜目的犯有呢啲法律,你覺得神根區果啲政府點睇呢兩條友,所以呢兩條友應該唔駛再點返去歐洲國家玩,無嚴格反納粹法律嘅英國同愛爾蘭仲有少少機會嘅。如果呢兩條友係經常出沒果啲軍事區嘅五毛,我相信日後歐洲國家對五毛嘅簽證態度都應該有啲唔同,因為呢班友根本被人洗腦洗到short咗,俾佢地入嚟簡直掟老鼠入米缸。

發表迴響

你的電子郵件位址並不會被公開。 必要欄位標記為 *