人渣-min

星期日休息:讀中史不如讀 人渣 史

范徐麗泰呢個serve完英國人,就走去抱中國大腿嘅 人渣 ,最近又發表偉論,話香港年青人中史認知不足。范徐麗泰呢啲 人渣 ,為咗擦中國鞋,就乜都講得出,一個自由嘅人,就係知得越多中國歷史,越知道呢個國家根本無得好救,只有自立自強一途。傳統中史只係識得頌揚聖賢君主,其實係有問題,如果俾我揀,不如要新一代知道古今各國嘅 人渣 歷史會實際啲。

知道 人渣 係點好似警訊咁

喺德國嘅書局,有一個好有趣嘅紙牌遊戲,叫 DAS FÜHRER-QUARTETT,一個無乜遊戲規則嘅紙牌game嚟,但主旨好簡單,就係認得晒主要歷史上嘅 人渣 同埋佢啲金句。簡單嚟講,你可以唔知有乜聖賢君主,但一定要知世上出過有幾多個 人渣 ,同埋佢地啲「犯案手法」。

呢個遊戲出自德國,其實好唔令人意外,因為德國雖然出過嘅暴君,未必有俄國同中國兩個盛產暴君嘅國家多,但德國出過一個叫希特拉嘅人渣中嘅人渣,就足以令德國陷於災難之中,而且令成個德國蒙羞,所以,德國人就好順理成章,推出一個教大家認識歷史上嘅 人渣 嘅game,相信,大家知道暴君一啲慣用手法,就比較容易減低上當嘅機會,至少無咁容易將至高無上權力交俾一啲心術不正嘅人手上。無錯,歷史係好多教訓,但你get唔get到,呢個係另一回事嚟。至少依家中史果種,好容易話乜乜皇帝好,因此有乜乜之治嘅讀書方法好,呢種讀史手法,我只好講,係正宗嘅讀屎片,結果就係讀咗一大堆癡癡咁望萬中無一嘅聖人,其實可能只係果陣嘅人運氣比較好。

警惕 人渣 嘅手法,就無咁容易上當,點解香港人成日都被老共昆,甚至泛民啲友仔都係,因為香港啲人成日話反共,都又唔讀中共黨史,對中共一向嘅犯案手法缺乏認知,所以可以中完一次伏,又中一次伏,個個變晒伏爾泰嘅細佬伏已中。當你上一個騙徒當一次,可能係你一時頭腦唔清醒,或者運滯,但如果你可以中伏完又中伏,除非你係被虐狂,否則你好可能係對某啲人嘅慣用手法缺乏一個系統化嘅認知,無法判斷有人喺你身上搵食,所以可以被人搵完一次笨,又搵一次笨。

中共黨史係我其中一個研究項目嚟,可以講,呢門嘢好有厭惡性,大家諗住中共啲黨八股文字幾惡頂至得,你仲要去read between the lines去decode一篇文章隱藏嘅實際信息,簡直係黐線,但點解要有犯罪學,都係要知道犯罪慣用手法同模式,你研究犯罪案,如果研究到啲謀殺案,都難免要睇啲厭惡性嘅嘢,讀中共黨史係一樣,其實作用,就係德國佬嘅認識史上最重要 人渣 嘅紙牌遊戲一樣。

亦由於我係對中共嘅手法有所認識,所以有啲投共嘅賊,好似馮煒光,好早已經知呢條友係有問題,唔係因為一啲政見上分歧咁簡單,畢竟中共啲第五縱隊係好有規律咁犯案,點解我對張翠容呢啲人係絕不信任,甚至追殺到底,亦係咁解。如果你知道國民黨最初瓦解,就係因為中共全方位滲透國民黨,連老蔣身邊啲人都被共產黨滲透晒,你就明點解我對中國移民嘅態度係高度敵視,甚至支持新加坡政府驅逐黃靖出境嘅原因,你明知中共會四方八面滲透你,好似愛滋病毒嘅入侵手法一樣,你仲話乜嘢大愛包容,一係你係傻嘅,一係你根本係中共果啲人,本身就係病毒嘅一部分,係應該攞去消滅。

所以我唔認為要讀中史,讀中史只會浪費時間,而且令你越讀越蠢,不如認識一下啲高級 人渣 點樣奪取政權上位,好似中共用緊嘅手法,其實係列寧手法嘅變種嚟,所以列寧嘅理論同著作,係必須要知,因為共產黨果套犯罪手法體系,基本上都係師出列寧呢條友。而納粹嘅犯案手法,你都係要知,當你知道納粹嘅基本犯案邏輯同手段,你就知果啲民族主義宣傳全部都係毒藥嚟,係氹你支持enable act一類昆人唔駛本嘅法律,跟住你真係成世人準備陷入萬丈深淵裡面。毛澤東果套,更加唔駛講,因為依家中共果套,仍然係以毛澤東做基礎。

毛澤東有句嘢:戰略上藐視敵人,戰術上重視敵人。戰略上,我地睇唔起呢啲仆街人渣,但戰術上,呢啲人渣點做,我地一步都唔可以漏,因為遺漏嘅結果,將會十分之嚴重,呢個,就係今時今日讀歷史應抱持嘅態度。

發表迴響

你的電子郵件位址並不會被公開。 必要欄位標記為 *