港鐵-馬時亨-min

港鐵觀塘線大故障: 馬時亨 幾時問責?

港鐵依家真係沒有最混帳,只有更混帳,觀塘線壞足十個鐘最堪足係奇聞,雖然觀塘線係舊地鐵系統裡面最早投入服務,都未至於訊號系統虧到咁。好明顯,呢次有損香港聲譽嘅事, 馬時亨 其實應該直接落台問責,另外搵一個似人樣嘅主席。

馬時亨 管港鐵管到變屎坑

我私底下一直用一個好核突嘅花名稱呼 馬時亨 ,我叫佢做馬屎坑,因為佢以為做財經事務及庫務局局長果陣,文件都唔睇都夠薑上陣,呢條友除咗膠真係搵唔到第二樣嘢形容佢。但呢條友更大問題係,作為一個鐵路公司主席,係應該做好服務市民嘅本份,但呢條友做埋都係政治唔問責官員啲擦鞋嘢,例如信口開河高鐵無一地兩檢每月蝕八千萬之類嘅嘢。但港鐵業務上本業嘅嘢,呢條友做咗幾多,雖然上任錢果豐都係一件hihi嚟。

馬時亨 既然係政府指派佢做港鐵公司非執行主席,雖然佢係非執行主席,但依家間公司一鑊泡,唔攞佢問責,唔通問CEO梁國權問責。更何況以中國接管香港以嚟嘅九鐵同港鐵文化,主席要管嘅,一定會管得到,除非好似田北辰咁政治手腕差,俾下面啲友玩返轉頭,玩到兵變收場。所以,喺視 馬時亨 失職嘅角度,政府炒咗馬屎坑有乜問題。當然,都要檢討一下梁國權上任以嚟嘅表現,因為梁國權做CEO以嚟,港鐵嘅表現一直只能用好有問題嚟形容,係唔係有啲人根本唔適合做CEO,呢個問題都係十分之值得大家思考。

政府成話都話有二千萬罰款問責,二千萬罰款對私人公司有用,對大部分股權由財政司司長法團持有嘅公司有叉用呀,啲人覺得左袋過右袋,又咪當你唱歌,港鐵公司有認真看待過問題咩?只要出問題,唔駛果啲政府指派嘅人上身,你認為啲人會有心管好港鐵,只會覺得呢個係一個好威嘅頭銜,又收到董事袍金,根本係政治酬庸嚟。喺華人社會,呢啲政聯公司(Government-linked Companies)問題多多,上市都無用,就係呢種政治酬庸心態搞出嚟,台灣果啲政府公司變成政治酬庸機器,搞到一鑊泡,大家都睇得多喇,香港依家越嚟越中國化,呢啲問題咪因此浮上水囉。

發表迴響

你的電子郵件位址並不會被公開。 必要欄位標記為 *