銀聯卡-min

銀聯卡 危機遲早殺到嚟香港

中國外管局要求, 銀聯 卡,如果張卡喺中國發出,碌超過一千人民幣都要報政府,表面上唔關香港人事,因為香港不在此限。但我唔係咁睇, 銀聯 嘅危機,係中國外匯危機加劇嘅訊號,如果香港人仲想喺海外簽帳順利嘅話,都係用番唔係用 銀聯 系統嘅提款卡吧。

銀聯 中國結算係問題

我唔知邊件賣港賊,妙想天開到將香港大部分提款卡換成 銀聯卡 ,但 銀聯卡 結算有一個問題係盲都睇到,就係 銀聯卡 嘅結算會喺中國進行,以人民幣做基礎,因為中國推廣 銀聯卡 ,本來係為咗人民幣搞國際化鋪路,所以唔跟Mastercard或 VISA卡係以美元為本結算,甚至日本好多時, 銀聯卡 都要用專用嘅POS碌卡,或者喺POS度另開植入一個App去處理 銀聯卡 ,因為 銀聯卡 成件事都喺度搞怪。

如果中國經濟保持強勢,用 銀聯卡 結算未必有問題,但中國經濟係空心老倌嘅話就大件事,所以歐洲有啲大提款機網絡直頭退出咗銀聯系統,當中國經濟越嚟越弱,用 銀聯卡 越嚟越多限制果陣,而香港啲提款卡喺海外提款只係支援 銀聯卡 ,你諗吓可以幾大件事,之前我喺舊版blog已經提過大家,但依家情況係,我有必要提醒多一次,如果你大部分財產可以匯到海外,喺海外開戶口處理日常開支當然最好,但如果一下子唔可以咁做,都唔好用 銀聯卡 咁鬼大膽。

依家有幾款卡,你可以當提款卡用,或者係PLUS提款卡用嘅:

  1. Citibank全線ATM卡
  2. 渣打銀行,你指明用萬事順卡,唔用銀聯
  3. 恆生銀行,申請Enjoy Spending Card
  4. 恆生銀行,申請Alpha Card
  5. HSBC,要申請張Plus Card,link住支票戶口

大家可以留意到,保留PLUS或者萬事順果啲,都係英美資本銀行,果啲華資銀行真係當你班友係死嘅,中資更加唔駛講,所以以長遠嚟講,將會有越嚟越多人要改番自己個銀行戶口做英美資本銀行,因為依家中國經濟係外強中乾,表面上係威係勢,但真係了解形勢嘅人都知,中國依家係死撐,一旦個煲爆咗,真係唔多好玩。而中國爆煲只係時間問題,唔係吹水問題。

發表迴響

你的電子郵件位址並不會被公開。 必要欄位標記為 *