黃靖-min

黃靖 被驅逐事件:中國間諜玩得太過核突

新加坡國立大學李光耀公共政策學院教授 黃靖 ,突然被新加坡內政部取消永久居民資格,兼且唔可以再返嚟新加坡,如果佢向內政部長上訴失敗,佢應該會限令被離境。雖然 黃靖 係美國公民,但美國政府無點表示,加上 黃靖 有掛住新華社,以及中國國際戰略研究基金會嘅頭銜,好大機會,呢條友係做中國間諜,意圖影響新加坡國策衰咗,新加坡政府要採取行動,我相信成個清洗行動,至今係未完嘅。

黃靖 唔知條底線喺邊度

新加坡政府,一般極少俾外籍人士評論當地政治,其實理由十分淺顯易明,國家安全問題。好多真心膠都指責新加坡政府點解唔俾香港社運界去講嘢,但我係理解新加坡政府嘅目標,因為新加坡政府唔了解你條友講嘢,會唔會踩中宗教、種族同語言三個南洋底線,同埋你條友會唔會真心膠咗,幫中國或其他對新加坡唔友善國家影響當地內政。

我係少數喺新加坡傳媒,評論番當地政治嘅外籍人士,但我可以咁做嘅原因,首先,除咗新加坡裝甲車事件,大部分情況下,我係唔評新加坡外交同軍事,因為呢啲嘢,外國人不應插手,我十分之清楚我係一位英籍人士。另一方面,我本身係南洋人,我父母係華裔印尼人,而我喺新加坡寫嘢,係一個南洋人身份,用番南洋人嘅角度去剖析新加坡事,我嘅出發點,一定係捍衛新加坡,以至整體南洋人嘅利益。而好明顯,無南洋家族背景果啲中國人,一如大部分揸住外國護照但擁護中國共產黨啲人,佢地係為中國服務,所以至有代傳「機密信息」呢啲kai事,呢種咁膠嘅玩法,十分之有中國特色,成日有果啲乜嘢中間人,傳話人,往往好似 黃靖 呢啲有學術身份嘅人,當然,香港泛民之類,無條件去趕呢啲粉腸出街,但新加坡係一個獨立主權國家,新加坡嘅選擇係十分之簡單,就係趕你條友出去,無引用《內部安全法令》(Internal Security Act)或其他反間諜法律即刻拉 黃靖 去調查,已經係十分之斯文而有禮貌,熟悉南洋史嘅人都知,如果新加坡政府要對付 黃靖 呢類人,可以用辣好多倍嘅手段。

中國人喺南洋玩得太核突,過晒火位,係時候清理門戶。

One thought on “黃靖 被驅逐事件:中國間諜玩得太過核突

  1. 中共培養了及派了很多間諜出去, 加拿大,澳洲政府以開始關注他們的活動,他們通常是國內大學畢業,過美國深造後入籍;之後再出口去其他國家做間諜, 他們利用美國的自由民主易入藉的漏洞, 和上個月的伊朗驅逐中國間諜一樣,今次是新加坡.這些開明國家算好了不是送兩粒子彈他.美劇homeland看間諜如何死。以前喜歡用女人間諜作情婦如日本的歡場。但因為學歷低接觸不到核心資料及人們公司分明,所以現在改用些所謂學者。商這個垃圾國家有什麼用?些人材不是用來發展本國,而是派去其他別國去做間諜攪攪震。這些國家人家無開罪他,可見中共的野心。

發表迴響

你的電子郵件位址並不會被公開。 必要欄位標記為 *