楊鳴章-min

楊鳴章 :代表天主教香港教區淪陷

當香港主要宗教組織,一個又一個墮落,受共產黨控制果陣,好多人都對天主教香港教區有啲期望,只不過, 楊鳴章 正式升正做主教之後,由 楊鳴章 果啲真係聽起嚟火都嚟嘅言論嚟睇,代表住天主教香港教區嘅淪陷,大家都唔駛指望。

楊鳴章 只不過係綏靖主義者

雖然教皇方濟各對遮打革命持同情立場,但方濟各明顯太緊張儘快恢復喺中國共產黨統治下嘅中國傳教,所以作為天主教會橋頭堡嘅香港教區,竟然放棄由陳日君呢啲熟悉共產黨,對共產黨持強硬路線嘅人做,搵咗一向擅於籌款嘅 楊鳴章 做教宗。仲要以香港咁多天主教組織嚟講, 楊鳴章 所屬嘅明愛,好可能係最建制嘅一個,同以往陳日君所屬嘅慈幼會係好唔同(慈幼會畢竟係工人教會,本身就有相當嘅左翼傾向,明愛就慈善性質重好多)。

所以我相信天主教香港教區,喺好多問題上都會同政府妥協,甚至比之前更厲害,天主教香港教區縱容林慧思嘅僱主打壓佢,都可以睇到依家天主教會已經無當年有吉士,果陣已經未係 楊鳴章 當政,依家 楊鳴章 坐正埋,我個人真係唔多想諗。如果天主教香港教區仲會講吓嘢,好大程度上係因為陳日君仲係樞機主教,樞機主教係有影響力好多。

由 楊鳴章 講,喺中梵建交問題上,佢係無角色,咁就梗㗎喇,依家香港有兩個樞機主教坐喺度,一個係陳日君,一個係啱啱退休嘅湯漢,如果真係傾中梵建交嘅嘢,都係陳日君同湯漢代表教廷交手, 楊鳴章 好明顯係唔多夠稱。但我對中國係唔係咁想同教廷建交都好懷疑,雖然教廷同中華人民共和國建交,對打擊台灣係有一定作用,問題係,教廷會唔會喺教會人事任命權上就此放手?而中國共產黨又想唔想天主教喺中國坐大?特別依家三自愛國教會呢樣嘢,同納粹德國果陣,希特拉意圖將天主教會變成自己嘅走狗有乜分別?依家三自愛國教會,根本係玩同一招數,如果教廷咁都受到,同1933年犯嘅錯誤又有乜分別,教廷始終係歐洲為本,歐洲人普遍對呢種納粹玩法係好有警惕。

大家要留意,普京衰極,普京始終以東正教徒自居,而依家俄國嘅東正教會,都唔係普京嘅政黨控制。我係好憎普京,但普京至少仲尊重自己嘅信仰,而習近平,哈哈哈。

One thought on “楊鳴章 :代表天主教香港教區淪陷

發表迴響

你的電子郵件位址並不會被公開。 必要欄位標記為 *