英國最高專員公署-min

英國最高專員公署 突然舉傘

英國最高專員公署 嘅facebook,突然貼出一張相,喺南巴斯嘅一個舉傘裝置設計,更要引用陳百強脈搏奔流呢首歌。如果無任何政治解讀,大家或者以為係純粹嘅一個旅遊推廣post。如果係旅遊推廣post, 英國最高專員公署 仲唔勁寫UK is Great之類嘅嘢咩。

英國最高專員公署 意有所指

彭定康獲委任為香港總督前,佢不單係保守黨主席,仲要係Bath嘅MP嚟,佢係因為Sainsbury’s百貨公司老闆指明要玩殘彭定康,至係當年保守黨於彭定康指揮下贏開巷嘅情況下,竟然彭定康自己保唔住議席。而大家都知,喺2014年海富催淚彈大戰後,雨傘喺香港有乜意思,所以至叫做遮打革命,或者雨傘革命。再加上歌詞,成件事你話無政治含意,英國佬出post一向好小心,特別FCO有咁多親華派,但依家好明顯,英國係另有算盤,我諗遲啲嘅post,就更清楚。英國唔同德國,德國柏林抽香港水已經係國策,但一向以嚟,英國都好小心處理對香港政府嘅評論。

當然,英國呢個post嘅背景,其實唔難理解,大家都知道,BREXIT without freedom of movement將會係大災難,但英格蘭班鄉下佬攞到公投結果也文也武,文翠珊依家投其所好,都只會令佢提早玩完,特別對歐洲國家嚟講,freedom of movement係寸步不讓,呢個問題幾乎係無得傾,話雖英國佬自己無認真用晒2004/38/EC賦予嘅immigration control權力,至係BREXIT嘅罪魁禍首嚟。既然依家好難搵到嘢可以㩒停BREXIT呢個瘋狂行為,咁依家唯有可能出高調重新干預香港,如果有香港爭奪戰,就有機會將BREXIT㩒停。由伊莉沙白二世號航空母艦,到依家呢個post,都睇到好一致嘅國策,如果八月至十月,BREXIT仍然係傾出膠嘅話,加上特朗普打算要習近平找數,我個人相信,香港爭奪戰只不過係遲早問題,屆時英國要出手嘅話,一定要做好Heart and Mind嘅準備。呢個係十分典型英式玩法。

大家可以繼續留意事態發展。

2 thoughts on “英國最高專員公署 突然舉傘

  1. 世澤兄:

    你作為一個 BC 香港人, 你已經算係上岸, 但 BNO 人就未, 尤其係當中嘅有效 BNO passport 持有人. 睇下家陣香港形勢, 你點解認為 歐陸 EU 人 嘅 UK 權益咁值得你關注? 而處於水深火熱中嘅香港人尤期當中嘅有效 BNO passport 持有人, 就連子女繼承權都無, BNO 人於你心目中, 又該當如何?

    以下幾個 freedom of movement 問題, 唔太貼題都要講講, 但首先唔好誤會, 我英籍親英, 自認愛國愛港, 誠意討論, 我唔會喺呢個友好地方度亂咁嚟:

    1. 就算無 freedom of movement, 係唔係你嘅末日? 係唔係英國末日? 係唔係歐洲末日? 係唔係世界末日? 講唔通啊, 如果你要旅行或者有 business 需要, visa free 有好耐啦, 已經好方便.

    2. 你最愛嘅 SNP, 所在何方? 無 EU freedom of movement 又有無得俾你 freedom of movement? Republic of Ireland 又係唔係 UK? 無 EU freedom of movement 又有無得俾你 freedom of movement?

    ( …. to be continued)

發表迴響

你的電子郵件位址並不會被公開。 必要欄位標記為 *