蔡若蓮-min

點解一定要委任 蔡若蓮 做副局長

雖然公眾強烈反對,但政然仍然委任 蔡若蓮 做教育局副局長,甚至容我咁講,如果依家教育局嘅正印局長,其實係 蔡若蓮 ,而唔係依家掛住教育局局長個名果個楊潤雄。如果了解中共政治嘅本質,就明白如果香港人唔採取實質行動,係唔會趕走 蔡若蓮 。

蔡若蓮 係黨委書記

喺中共嚟講,市長、部長都唔一定要係共產黨人嚟講,喺中共奪取權力初期,甚至有大批部長根本唔係共產黨人,但喺中共嚟講,每一個省、市、部門,甚至國有企業,真係有實權果個,其實係黨委書記。實際上,係黨委書記講嘅至算數,唔係黨嘅人,就算你係省長、市長、甚至部長又點,黨委書記一聲令人,你果個位只不過係偽裝嚟。而張曉明一直千方百計要梁振英上場,因為梁振英係黨嘅人,而梁振英係聽命於佢,咁樣至可以達到香港權力實際收歸黨嘅局面。呢個中共嘅大戰略,到依家中共都未放棄,亦唔會改變,因為中共根本係唔想履行真嘅港人治港,高度自治。

而教育局喺國教之後,以中共洗腦由娃娃抓起嘅邪惡戰略,一定要派黨嘅人入去,畢竟吳克儉呢啲疑似地下黨黨員已經被人踢走咗,而楊潤雄係英國殖民年代嘅政務官出身,呢啲人根本係唔可靠,所以中共更加需要派一個黨委書記入去,而 蔡若蓮 嘅職責,正係黨委書記嘅角色,我可以講,楊潤雄只不過用嚟受靶,佢唔會真係揸到弗,而決定香港教育政策嘅取向,特別係消滅香港語文,以及大搞洗腦國民教育,一定係 蔡若蓮 。中共睇準咗教協一直和理非非,兼大中華民族主義佔主導,就算唔妥 蔡若蓮 都唔會反到出面,至少唔會搞到 蔡若蓮 返唔到工果隻,所以,中共可以好放心委任 蔡若蓮 做副局長,實際上係做黨委書記嘅角色。

咁依家 蔡若蓮 已經坐咗喺度,香港人可以點呢?如果香港人唔諗辦法令 蔡若蓮 根本係返唔到工,以後就越嚟越多黨委書記入去,屆時仲講五十年不變,我諗到林鄭月娥落任果陣,香港已經變得同中國一模一樣,認真係醫番嘥藥費,一個同中國一樣嘅香港,仲有乜嘢價值。我越嚟越唔相信和理非非,因為中共根本就係食硬唔食軟,其實件事就係咁簡單。

發表迴響

你的電子郵件位址並不會被公開。 必要欄位標記為 *