居歐權-1-min

文翠珊終止 居歐權 :佢玩得起?

喺英國唐寧街內部消息滿天飛後,首相文翠珊一鎚定音,政府將會終止 居歐權 ,亦即係Immigration Act 1971之下,EU Citizen享有不受入境管制嘅情況,將會終止。但英國係唔係真係玩得起,我十分之懷疑。

唔要 居歐權 ?咁準備找數未?

首先,俗稱 居歐權 嘅自由行動權利,喺歐盟嚟講,係寸步不能讓嘅部分嚟,如果英國呢部分肯讓,其他BREXIT條款有得傾,至少唔駛俾超巨額分手費,依家文翠珊咁玩,我真係睇唔到歐盟仲有乜地方會讓你。最大鑊係,文翠珊身為內政大臣,係應該睇到終止 居歐權 嘅結果,但佢都係做咗呢個決定,即係佢已經被保守黨內同工黨內部啲英格蘭基層挾持,完全無任何自由意志或談判駕馭力,歐洲佬唔乘機玩謝你就奇。

而對英國嚟講,一旦 居歐權 呢樣嘢玩完,Immigration Act 1971成條law仲有乜意義,依家嘅分等級國籍法,背後都係為咗實行IA 1971,一旦IA 1971玩完,英國再要求exempt ECHR Protocol 4根本無人睬佢,咁大家都估到有乜結果會發生,英國人天真地以為BREXIT可以restrict immigration,但實情係,restrict immigration根本上唔可能,一係英國自己喺人才上自給自足,一係英國可以喺製造工業做番大自己塊餅,吸收多多移民都唔驚你,一如今日嘅德國。文翠珊一定知道IA 1971一玩完嘅結果,但好多英格蘭嘅MP,仲未知道IA 1971嘅代價係乜。

所以,我話英國需要一件超大件事煞停BREXIT,仲要果件事歐盟有著數嘅,其實大家都知答案,依家BREXIT已經係一場唔知點收科嘅爛show,再玩落去,真係全英國輸清光,問題依家係,工黨同保守黨,有無一個人有真正遠見,煞停成棚唔知世道艱難嘅鄉下佬。好似英國呢啲公民好多嘢認知水平不足嘅國家,重大決定係唔可以玩公投,因為英國唔係德國、瑞士或者美國部分州分。所以有時我講笑咁講,民建聯同港豬呢兩樣嘢,其實都係英國產品嚟,大家諗吓點解。

2 thoughts on “文翠珊終止 居歐權 :佢玩得起?

  1. 世澤兄:

    自由流動有人才?
    自己走來又或者人地唔要嘅人, 當中又點會有好多堅料?
    歐式蝗蟲, 又或者真主偉大, 我就確信, 1000% 確信.

發表迴響

你的電子郵件位址並不會被公開。 必要欄位標記為 *