港鐵荃灣線-min

港鐵荃灣線 電力系統係咁出事:搞乜?

港鐵荃灣線 差唔多係港鐵最繁忙果個系統,佢係唔可以出事,一旦出事真係會好大件事,只不過, 港鐵荃灣線 電力系統似乎係有系統性問題,星期五又係壞電力系統,而星期日訊號系統出事,又係同電力驟降有關,係咁出事法真係唔多掂。

港鐵荃灣線 電力系統可能出咗乜問題?

當然,我唔係工程師,我亦唔係港鐵公司嘅人,依家唔可以斷定 港鐵荃灣線 出事嘅原因,但出事原因嘅組合不外乎以下幾種:

  1. 中電出問題,中電果邊嘅系統老化
  2. 中電出問題,中電用嘅器材同物料有問題
  3. 港鐵出問題,港鐵果邊嘅系統老化
  4. 港鐵出問題,港鐵用嘅器材同物料有問題

而公眾最擔心,亦係第四點。如果中電出問題,中電照計頻頻會停電,因為中電唔會只係對住港鐵嘅系統有問題,特別港鐵喺中電嚟講,可算得上係數一數二嘅大客,亦係公眾密切監察嘅對象,港鐵照計唔會咁玩。如果港鐵出問題,係因為港鐵嘅電力系統老化有問題,咁講真,以老化嚟講,東鐵可能會出事更快。

而由觀塘線喺今年四月,都曾經因為電力系統出事,玩出一鑊甘,同埋港鐵近年成日買中國製列車,以及價低者得嘅作風嚟睇,係唔係港鐵為咗慳成本,係咁買平嘢,甚至中國製嘅嘢,所以觀塘線爆完,就輪到 港鐵荃灣線 爆,依家真係留名睇會唔會連港鐵港島線都衰埋一份咁睇。又或者因為中電承接嘅工程費用價格太低,搞到中電搵自己嘅朵嚟搏,用埋晒啲有問題嘅嘢,或者根本成個供應程序係有問題。總之問題一大堆,呢啲事情,如果要搵清真相,其實最適合係立法會引用《立法會(權力及特權)條例》,請晒啲人照肺,再慢慢查有乜問題,以及提供可行嘅解決方案,畢竟港鐵唔係一般嘅上市公司,係一間財政司司長法團佔大部分股權嘅公有企業,係應該受到更嚴格嘅問責至係。

只不過,依家香港無民主,香港啲所謂建制議員,只不過係一班無用嘅狗嚟,依家港鐵叫好人,肯發遲到證明書,未必會扣勤工獎嘅,鍾意返工嘅香港人,特別啲四五十歲嘅中坑,咪繼續喺地鐵迫到傻再埋怨,香港社會搞到咁,你地呢班藍屍中人簡直係居功至偉,呢啲只不過係報應。

發表迴響

你的電子郵件位址並不會被公開。 必要欄位標記為 *