一地兩檢-2-min

面對 一地兩檢 嘅對策

一地兩檢 問題,可以講係香港地位最受嚴峻挑戰嘅一次,如果俾 一地兩檢 成功過骨,不單可以無用濫用《基本法》20條,23條都唔駛立,另一方面,外國人對香港一國兩制一定無晒信心,屆時香港人真係唔想打獨立戰爭都唔得。只不過,點回應 一地兩檢 嘅挑戰,依家各方嘅戰略根本係毫無頭緒,甚至有啲人係嚟搏懵。

任何形式 一地兩檢 都唔可以要

首先,任何形式嘅 一地兩檢 都唔可以要,有位一年收落港鐵公司唔少茶禮,據聞同港鐵公司現主席好老友嘅評論員,係咁sell US-style pre-clearance。美國式嘅預檢,我喺愛爾蘭都柏林機場都見過嘅,但美國佬一向係尊重人地嘅主權,無話美國喺愛爾蘭執法嘅情況,而且為航機安全著想,係堅要pre-clearance,因為啲恐怖分子一上機,真係全機乘客同你清袋。但中國係乜嘢國家?仲叫人唔好分散注意力,唔理乜嘢雙非生仔可能性等問題。我只能咁講,有啲嘢唔該做得靚仔少少,唔好咁核突至得。

依家 一地兩檢 問題,公眾教育係必要,所以泛民各方面政客搞街站,呢個係必需,當然,我依家唔見任何同 一地兩檢 有關嘅長者圖同懶人包,啲香港人成日話學台灣嘅,但點解唔見長者圖同懶人包。唔好話長者圖無用,可以針對阿婆,話反對方便啲人坐高鐵上去叫雞,到針對中港商人,小心中港糾紛被人捉返去中國,返咗香港都無用。呢啲全部要做,全方位做。初步嘅公眾教育,揼石仔咁做係重要嘅,反《基本法》23條到國民教育都係咁做,呢種功夫,係泛民最懶,包括本土派都未夠勤力。

當然,最終可能需要一場群眾運動,我想提醒左膠,如果有人想騎劫個運動,好多人會留意你地,只會第一日就被人趕出去,上次反高鐵一役,你班左膠仲膠唔夠,如果你地班友咁鍾意中國,就唔該擺明車馬做番你地嘅中國人。當然,喺 一地兩檢 問題上,左膠依家係無動員力,但大家都知,左膠係有鏡頭即刻蒲頭,而熱普城班茂利,作風都十分之類近,大家係必須注意。我只能講,香港政壇嘅賊太多,真係為民請命嘅人無幾個。

發表迴響

你的電子郵件位址並不會被公開。 必要欄位標記為 *