Dunkirk-min

再講 Dunkirk

Dunkirk 呢套片啲影評,西方大部分讚好,但香港好怪,成棚人鬧呢套戲,而我發現鬧呢套戲啲人,好多對 Dunkirk 呢段歷史一知半解,再加上好似民主黨咁,都係好膠咁抽錯 Dunkirk 嘅水,為佢地果啲和理非非手段辯護。呢度,我諗要做一啲英國歷史補課。

Dunkirk 保全有生力量

二次大戰最大規模,亦最悲壯嘅撤退行動,其實未到 Dunkirk ,最悲壯係德國將東普魯士同波羅的海軍民撤到德國西部嘅Operation Hannibal,幾個月內,冒住被蘇聯佬完全唔理三七廿一亂炸廿四嘅危險,將超過一百萬嘅德國軍民撤到德國西部。但 Dunkirk 嘅戰略意義,當然遠遠大過Operation Hannibal,因為Operation Hannibal只係保住條命嘅撤退,但 Dunkirk 嘅賭博,意義在於保存英國有生力量,無錯,英國同法國喺 Dunkirk 留低大量重型裝備,但有經驗嘅軍人係無可取代,一如日本二次大戰中途島戰役以及南太平洋海戰最大嘅損失,其實就係有經驗嘅飛行員一樣。

民主黨我話佢地唔明 Dunkirk 意義係乜,亦係呢度,保存有生力量同時,一如邱吉爾自己都講,無戰爭可以靠撤退打贏,除咗可以退邊度,仲要考量可以喺邊度反攻,呢個至係 Dunkirk 最重要嘅意義。而當時英國除咗準備打不列顛空戰外,邱吉爾同時有以下動作,去盡量令英國作為反抗納粹德國嘅中心:

  1. 支持戴高樂成立自由法國政府,包括提供BBC進行廣播。
  2. 不惜用晒全英財政儲備向美國買軍火,後嚟更加提出問美國借軍火,促成1940年底嘅租借法案
  3. 喺1941年德蘇反面後,一向極度反共嘅邱吉爾支持蘇聯

Dunkirk 教大家嘅撤退,其實係策略性撤退,保存有生力量後都要策劃反攻,至可以打落去。

其實我對 Dunkirk 嘅了解,係源自中學果陣,因為英治年代官立學校英文堂,多有教邱吉爾國會演說,而2003-2004年,我提出網台作為撤退之路,啟發正係 Dunkirk 之役,當然啲自私嘅老人家,搞爛咗件事,係後話。

One thought on “再講 Dunkirk

  1. 恕我不感樂觀,但對今次能救多少人,多少人有心卻最後殿後或太遲而犧牲了,我倒沒有底,總之不樂觀。現在的人可能條件上比89那時的人差,因為物價飛漲加強積金蠶食了人的自救能力,麻醉了人的自救決心。撤退會否最後變得慌不擇路,非洲某國也殺?抑變成峴港式潰退?我認為在內容農場泛濫之城市,幾個謠言,足可造成峴港式潰退。此災難性,海外人坐在電視機前,慶幸自己走得快。
    當年中國大陸其實也有Dunkirk,就是在韓戰爆發前,趁到處仍有免費回鄉火車,盤查未很嚴時逃出,韓戰爆發後,特別是聯合國軍過三八線後,逃生的大門很快便被關上。這時有心的人要離開也要困難得多,即使生還,家財十損八九難免。

發表迴響

你的電子郵件位址並不會被公開。 必要欄位標記為 *