租務法-min

租務法 : 新土地法外另一瘋狂新猷

澳門法律越出越瘋狂,如果你認為新土地法瘋狂,由於新土地法根本無人成功阻止佢橫行,澳門政府同立法會俾啲更垃圾嘅議案你嘆,果個法案叫 租務法 ,係澳門呢啲地方,至可以出到完全保障唔到任何一方嘅古怪法律。

租務法 可以聽起嚟有幾瘋狂?

租務法 有三個重要元素,呢啲元素大部分聽落嚟,都係同 新土地法 一樣咁黐線

  1. 租金加幅水平受管制
  2. 租約一統為三年,三年內業主不得單方面收樓
  3. 租約必須要經過公證人公證

首先,租務管制,除非可以做到德國咁嚴,否則點訂租金水平,一個無樓宇空置稅嘅地方學人搞租務管制,係唔係對租客有益都成問題。但租約一統三年,呢個最黐線。就算租務法律最嚴嘅德國,德國一般租約都係無寫死年限,而係租客隨時可以走,真心為租客好,就應該唔俾任何死約,但又唔係喎,硬要業主交三年印花稅,或者硬要租客承擔三年法律責任,唔知乜道理嚟,呢個唔知由邊方面,去保障到基層租客。相反,澳門隨時變成好似德國咁,租樓要查家宅。德國因為租客保護好強,所以業主往往唔願意向外國人租樓,或者你窮啲都租唔到樓,仲衰過依家澳門跟香港一年生一年死嘅做法。

租約必須要公證人公證,又係奇奇怪怪,香港固然無呢啲怪規矩,香港租約極少要律師定,德國更加無,德國已經講係有世界最嚴租務法律。澳門要公證人做公證,係嫌啲行政程序太多,定係啲官太得閒,亂定一堆程序。

呢個法律,其實無玩死大地產商,因為大地產商已經將單位沽售,實際上玩死係中產小市民,好好地投資自己嘅積蓄,如果以為無被 新土地法 玩死可以無事,錯了,一套無厘頭租務法律,一樣可以玩死你。德國係全世界公認最保護租客嘅國家,都係用番啲奇奇怪怪方法保護租客,而好多小市民,以為放租可以退休,點知澳門係無仲裁制度保障雙方,要簽三年約,交三年印花稅,仲要俾公證人費,未見官先打八十大板,咁如果你係業主,你會唔會由得層樓曬太陽?呢個一定喇,因為依家個租務法律,根本係黐線嘅。

為 新土地法 同租務法叫好果啲澳門人,我等緊更多黐線法律等佢地嘆。呢個就係土共統治下嘅瘋狂世界。

One thought on “租務法 : 新土地法外另一瘋狂新猷

  1. 終国今年係咁吹風話要搞官方租樓網上平台,睇怕澳門租務法就係全面推行前的預演

    Twitter有個叫神棍的人推測終共準備慢慢玩死哂所有買左樓的中產,手段包括股市收割財富、徹底鎖死樓市同集中營。觀察左大半年,推斷大方向無錯,可以參考。Twitter:jiben97559755

發表迴響

你的電子郵件位址並不會被公開。 必要欄位標記為 *