港鐵-停電-min

港鐵 玩大停電:除咗恭喜仲可以講乜嘢

本來中國高鐵玩割地一地兩檢已經激慶香港人,甚至德國駐港使館都抽水。不過, 港鐵 似乎嫌局勢未夠膠,去年中環站玩過停電,今年仲勁,嚟個 港鐵 觀塘線、荃灣線、港島線電力系統中大獎,乜同新加坡SMRT鬥膠係好好玩。

港鐵 大停電嘅問題喺邊度

任何鐵路系統都會老化, 港鐵 荃灣線系統由啟用至今超過四十年,其實係要一次大型更新,唔單只係依家更新訊號系統咁簡單(依家開始更新到Thales SelTrac CBTC,應該2018-2021左右正式使用),而係電力系統同路軌嘅保固。但依家香港鐵路為本政策係乜至得,就係除咗 港鐵 ,你根本無任何替代交通工具揀,喺香港路面情況,亦唔適合歐洲嘅單車玩法,結果就係港鐵根本唔可以停落嚟做任何重大系統更新。你話德國Wuppertal成條線趁暑假停六個禮拜好退聯(我之後會親去Wuppertal一次,話俾大家聽點解德國咁玩退聯都無問題),但如果香港仲係玩乜嘢乘客都塞晒入 港鐵 嘅黐線政策,就會好似德國咁,因為S-Bahn、DB Regio、ICE等等用到啲路軌盡晒,一係唔維修升級,一維修就要成條鐵路停晒人人搭巴士。你話Dusseldorf、Wuppertal呢啲城市人口密度低,咁玩無所謂喇,香港?同倫敦啲Tube一樣咁密喎,呢次大停電咪證明俾班運吉署啲官睇,咁玩係會死人。

所以所謂「鐵路為本」交通政策嘅鬧劇應該結束,香港人應該考慮一下, 港鐵 嘅容量係唔應該去到overload嘅地步,如果地理上香港唔可以容納更多新鐵路,除咗減少人口,驅逐中國移民之外,另一樣要考慮係點樣善用小巴、小輪、巴士嘅運輸力,因為香港呢三樣嘢可以有唔同運輸用途,例如小巴係作為鐵路嘅feeder(當然紅小要執咗佢),巴士可以當另類鐵路提供點對點服務,小輪可以紓緩渡海嘅運輸需要。如果過多十年廿年後,玩到好似Wuppertal式嘅玩法,屆時唔係一件遠喺德國嘅膠事,而係現實發生喺香港嘅膠事,我真係留名食花生,想知屆時香港可以亂成點。

發表迴響

你的電子郵件位址並不會被公開。 必要欄位標記為 *