特區護照-min

仲用 特區護照 ? 你首先享受做「中國人」嘅榮耀

一直以嚟,好多香港人,或者啲五毛,都覺得用 特區護照 好巧威威,甚至有一段時間,用嚟踩BNO,直至BNO有日本同歐盟免簽,甚至居歐權為止。只不過,香港人好多人仲天真過天真嬌,以為外國政府會當機碼係CHN嘅 特區護照 係特別看待。但由歐盟中央證件database嘅update,好明顯唔係果回事。

特區護照 當係中國護照咁做

歐盟一直有個中央database叫PRADO,全歐盟所有國家嘅入境關卡,都係睇呢個database做人,而過往係無 特區護照 嘅entry,相反,BNO一直係歸入UK Passport嚟看待,呢個亦係全歐盟無人敢挑戰BNO入境權利嘅原因,因為全歐盟都知,呢本係歐盟國家發出嘅護照,玩無理immigration control會撞法律撞到飛起。

近排我親眼見到,或者我收到嘅查詢,都有唔少 特區護照 持有人入歐洲被刁難嘅個案,包括被質疑中國護照無攞神根簽證點解入嚟,或者要攞香港身份證核對身份至俾放行嘅情況,原因正係因為依家歐盟當 特區護照 係中國護照咁辦,依家喺機碼上,唯一可以分辨中國護照同 特區護照 ,只剩番個HKID code,歐盟內部,好明顯已經當 特區護照 係中國護照嚟處理。如果香港入境處再亂放中國人入嚟,神根區一改政策,我真係留名食花生。BNO以至BOC等入歐盟權利,好明顯係受歐盟法律所保障,至少BREXIT前都會係,但歐盟要落閘唔俾 特區護照 嘅人入嚟,就幾時都可以。所以仲用 特區護照 ,你真係準備享受做「中國人」嘅榮耀。

我奉勸有BC/BNO/加拿大、澳洲、紐西蘭以至葡國護照嘅人,用番你本西方國家護照好,至少入歐盟國家,應該用番你原本西方國家護照,咪再慳錢,一本護照用十年,每年百幾蚊,其實好抵。當然,如果你係BNO/BC,而你子女無法繼承你嘅英籍,你應該儘快為你嘅子女諗辦法,或者打算生仔嘅,咪喺香港生嘞,盞累街坊。果啲仲話用 特區護照 好醒嘅五毛,你地嘅夢已經發生, 特區護照 就係中國護照,係咁簡單,你地仲有無嘢補充?

有link有真相,自己慢慢睇

http://www.consilium.europa.eu/prado/en/prado-documents/chn/a/index.html

發表迴響

你的電子郵件位址並不會被公開。 必要欄位標記為 *