移民律師-min

移民律師 最仆街

一直以嚟,我對 移民律師 印象都奇差,細個就遇到 移民律師 可以連文件都唔見,大個咗,果啲廢柴 移民律師 係搞唔掂我呢啲連被幾個國家玩嘅奇怪身份,結果係我自己搞掂。而再啲大,就發現好多 移民律師 根本係涉及移民欺詐。只不過,如果佢地唔搞到BNO平權問題,我係唔會郁呢啲專做中國人生意嘅移民律師,好多貪官啲錢,冤枉嚟,瘟疫去,當一物治一物。

移民律師 為求搵銀不擇手段

只不過,依家有 移民律師 為咗推廣Tier-1投資移民,係咁狂打BNO居歐權,甚至踩低BNO,呢啲冚家鏟,我真係想認真鏟爆佢。Tier-1 visa 之前好熱門,因為呢個係中國人嘅走資途徑嚟,但近排中國人啲錢,好多唔係過唔到KYC,就係根本啲錢匯唔出(依家EU居民開個UK Bank account都要搵公證人certified photo ID copy),所以啲 移民律師 就睇中BNO想走嘅心態,加上香港啲樓價,好多人都可能有GBP 200000,所以諗住快啲搵完呢轉錢,至於項投資有無回報,就真係關呢啲 移民律師 叉事。呢個係我一定要追殺呢啲 移民律師 ,同埋幫佢地打工果啲hihi嘅原因。而且好多時涉及投資移民,都搞出大堆金錢絲紛,如果你真心有項投資計劃喺英國,咁何必俾呢筆錢呢啲人賺,再加上BREXIT陰影下,我作為英國人,都係認為有實業基礎嘅歐洲,可能更加適合,而歐洲,你唔係去塞浦路斯、馬爾他、呢啲賣護照賣到傻嘅國家,你可以要掟幾十萬英鎊喺一啲唔知有乜結果嘅投資計劃上,歐洲大把好嘢或生意可以展開喇,係唔係?

有啲友仔,你開佢名,佢只會覺得係免費廣告,所以如果呢班友唔自己收手,遲早有執法部門嘅人上搵上嚟,我留名食花生。

至於100毛上市,我對100毛呢間嘢並唔係太欣賞,呢班友抄膠事錄到依家未找數,我覺得呢啲抄抄子都可以上市,都係奇聞嚟。只不過,有兩個扮晒正義上身嘅非牟利網媒,未搞清楚寫文果條友嘅背景都走去轉載,一係講明係paid嘅特約轉載,一係講明係西環要求轉載算。呢兩檔平日都抄唔嘢,或亂咁寫嘢嘅網媒,學人會轉載,我真係笑咗。

後話:好多人唔知,我果個25蚊paywall,係故意極度user unfriendly,包括價錢都係user unfriendly,因為果啲係censorship system嚟,同埋減少不必要嘅五毛提問,我唔係做移民顧問生意。

發表迴響

你的電子郵件位址並不會被公開。 必要欄位標記為 *