Eurostar-min

Eurostar 一地兩檢例子點解唔可以引用喺香港

其實我之前都估到,好多人會攞 Eurostar 一地兩檢嘅例子,用嚟支持香港搞一地兩檢,作為一個歐洲人,我覺得真係睇到都飽,香港同澳門都係一街對歐洲一知半解,斷章取義引用西方例子嘅情況。而眾新聞呢篇文,我係有必要clarify番當中嘅內容。

Eurostar 點解可以一地兩檢

首先,Eurostar 一地兩檢嘅安排,其實係一個對等安排,即係法國同英國互派執法人員去對方國土,基本上,除非香港警務同入境人員,都可以派駐中國境內並執法,否則呢樣嘢係唔駛傾嘅,所以 Eurostar 嘅例子,基本上係嘥氣。

但更重要係, Eurostar 涉及嘅三個國家,甚至未來可能有嘅德國(德國DB ICE可能駛入英國境內),佢地都係歐盟成員,就算英國BREXIT,歐洲人權法院,以及歐洲人權公約仍然有管轄權。BREXIT無維持現有歐盟公民同英國國民之間自由行動安排,可能係要安排大量關卡俾Non-UK人士(假如hard BREXIT),但由於英國一向唔係神根區,所以一直都存在住一個border。而border兩邊共同點,反而係歐洲人權公約,除咗Protocol 4英國無ratify外,其他條文英國只要仲係歐洲委員會成員,都要守。無歐洲國家,好似白俄羅斯咁夠薑做賭撚,唔係歐洲委員會成員,係連俄國都係歐洲委員會成員,要守歐洲人權公約相當部分嘅條文。如果法國同英國執法人員喺對方國土亂嚟,最終都可以告到歐洲法院(ECJ),或者歐洲人權法院(ECHR),呢個亦係大家咁放心玩一地兩檢嘅原因。中國?人權係乜嘢嚟㗎,食得㗎?

所以唔好亂咁引用外國例子,喺歐洲嘅情況,好多國同國之間嘅合作,或者飛地上嘅撈亂處理(例如德國喺瑞士嘅飛地Büsingen因為被瑞士包圍,所以關稅上計入瑞士,或者奧地利嘅Mittelberg由於唯一一條路係通往德國,而唔係奧地利,所以係德國關稅區嚟),都係建基於大家都係歐盟成員,同埋大家守埋同一套人權規則,至可以咁玩,中國一日唔係文明社會成員,都唔好同我講乜嘢「外國例子」。

發表迴響

你的電子郵件位址並不會被公開。 必要欄位標記為 *