強國猿

強國猿 邏輯:主張香港獨立絕不犯法

袁國強 雖然係一介資深大律師,只不過,估律政司司長做到經常移動龍門,所以被稱為 強國猿 (打 強國猿 三個字,全部係佢啲相,無一隻係猿嚟),而西九一地兩檢安排今日可以搬龍門搬到,基本法無define香港範圍,咁真係太好,對香港獨立主張者嚟講,以後唔好再話乜嘢港獨犯法喇。

香港 係乜嚟㗎,食得架

依家中國為咗喺香港設立「租界」, 強國猿 不惜話《基本法》係無界定何謂香港,或香港嘅範圍。既然係咁,如果我主張香港獨立,但呢個香港,同《基本法》第1條香港特別行政區唔同嘅,咁點可以話我犯法呢?我主張香港係《南京條約》、《北京條約》以及《香港界址展拓專條》,你點可以話我違反《基本法》第1條呢?

當然, 強國猿 咁都講得出,亦即係中華人民共和國國務院令221號,根本係垃圾嚟,因為深圳灣口岸港方口岸區行使《基本法》,固然唔喺中華人民共和國國務院令裡面,本身係一個疑問,同樣,如果 強國猿 咁講,中國憑乜可以劃出中華人民共和國國務院令221號定義範圍內任何地方為中國範圍,如果係咁,任何香港人宣布自己嘅土地,並唔受中華人民共和國任何法律管轄,或自行要求由英女皇根據《南京條約》或《北京條約》所賦予嘅權力掌守都可以。

當然,依家咁樣玩一地兩檢, 強國猿 無視一個現實,呢個係違反《中英聯合聲明》嘅鐵證,一旦法律生效,香港人可以攞住相關法律嘅認證文本,要求英國國會處理,無錯,英國未必可以立即派兵收番香港,《維也納條約法條約》下拗都唔容易,但要成條Hong Kong Act 1985 冚檔就於理有據,因為中國政府強行將中國法律喺香港範圍內實施,再加埋人大釋法,英方係再無義務遵守《中英聯合聲明》英方備忘錄部分,當然有乜結果,我費時喺度講喇。

強國猿 其實依家已經係唔要面打橫嚟,明知件事會膠爆都打橫嚟,當然都預咗你中國會打橫嚟,呢個世界你做初一,我做十五,曾子樹和有云,文有文鬥,武有武鬥,咁玩落嚟,文鬥就買機票去倫敦同布魯塞爾搵援兵,武鬥可以點,由真勇武之人自己考量,但唔該熱普城中人咪抽水。

發表迴響

你的電子郵件位址並不會被公開。 必要欄位標記為 *