電槍-min

電擊玩具? 電槍 嚟㗎

中國同香港,都係一啲好奇怪嘅地方,一如外形似槍嘅玩具,就管到又拉又鎖。而依家,有啲可以發出175伏特電流嘅電擊玩具,海關同中國政府居然可以無人管。嚴格嚟講,呢啲已經係 電槍 ,唔管根本係一啲天理都無。

電槍 就係武器

根據《火器及彈藥條例》第2條嘅釋義,係咁寫

經設計或改裝以藉在有或沒有直接接觸人體的情況下施加的電擊以使人昏暈或不能動彈的任何便攜式器件

啲玩具鋪夠膽入呢啲玩具,嚴重不負責任,啲廠商玩175伏特未必令人暈,但如果175伏特電力足以令細路仔心臟停頓,你話呢啲唔係 電槍 ,你無病嘛。簡單嚟講,呢啲玩具賣果啲鋪頭,警方應該當非法藏械或出售槍械拘捕有關人等,而入口呢啲「玩具」嘅公司,更加要立即拉人封艇,因為呢啲肯定係 電槍 ,而無人想有細路仔因為玩呢啲咁牙煙嘅玩具而死,甚至有人攞呢啲咁嘅「玩具」去做世界,當呢啲「玩具」咁平,同埋有手指麻痹嘅效果果陣,你覺得無人會攞佢嚟做世界,我覺得呢樣嘢真係無乜可能囉。

由呢件事,充分可以睇到,依家香港警察呢班友,堅係廢柴嚟,較早前,信和啲人賣果啲類似抽咭咁玩法嘅玩具,又拉又鎖,果啲牙簽弩其實本來就已經可以當成槍械或違禁武器論處,警方唔做嘢都算,依家 電槍 玩具都出埋嚟,你警方又唔做嘢,唔怪得香港人個個鬧人係黑警,除咗政治相關案件,以及一啲芝麻綠豆案件,真正嘅大案或嚴重社會治安問題唔理,啲警察休班就走去犯案,休班警、當更警、退休警、輔警更犯罪犯得多,真係你只會覺得呢個社會係黐線。

中國公安就更不知所謂,仿真槍械好多時會唔會變成真正威脅社會嘅武器,我個人認為唔會,又拉又鎖啲香港人,係於理不合,但好似牙簽弩、電擊玩具呢啲,就好明顯係武器,有可能影響社會治安,甚至鄰近國家嘅安全,但中國任由呢啲廠商賣,包括喺淘寶上賣,完全係亂嚟,咁中國公安係依照乜嘢標準去執法嘅呢,全世界都睇唔起你班中國公安,除咗因為漠視人權外,應拉唔拉,唔應拉就走去拉,又貪污腐敗,呢啲所謂警察一早應該執咗佢喇。

發表迴響

你的電子郵件位址並不會被公開。 必要欄位標記為 *